Tamang Helmet

(Picture was taken by me on a bus going to Bacoor, a rider, inside Coastal Road, using a 400cc bike but wearing a bicycle helmet)

REPUBLIC ACT NO. 10054

AN ACT MANDATING ALL MOTORCYCLE RIDERS TO WEAR STANDARD PROTECTIVE MOTORCYCLE HELMETS WHILE DRIVING

Isang batas na alam naman nating pare pareho na makakapagbigay ng proteksyon sa atin mananakay ng malaking porsyento sa oras ng aksidente.

Well, marami na din ang nag he-helmet na riders ngayon, yun ang nakakatuwa sa batas na yan, ang hindi nakakatuwa ay yung mga taong nagsusuot ng helmet na hindi naman pang motor. Toinks!

May na encounter na akong suot ay yung pang Construction na helmet, yung safety hat na kung tawagin, yung iba naman ay yung pang bisikleta, at marami pang ibang alternatibong pantakip sa ulo para proteksyunan ang kanilang mga UTAK na parang ipinahid lang.

Oo, nagkalat ang mga sub-standard na helmet sa bansa, hindi rin naman mapigilan ng autoridad na magbenta ang karamihan. Dahil ang sinasabing basehan lamang sa batas na RA10054 na kapag may ICC o BPS sticker ay pasado na ito at yan ay mababasa sa Section 5 ng RA10054

“Section 5. Provision of Motorcycle Helmets. - A new motorcycle helmet which bears the Philippine Standard (PS) mark or Import Commodity Clearance (ICC) of the Bureau of Product Standards (BPS) and complies with the standards set by the BPS shall be made available by every seller and/or dealer every time a new motorcycle unit is purchased and which the purchaser may buy at bis option. Failure to comply with the requirements provided under this section shall constitute a violation of this Act.”

Na hindi naman natin alam kung ano ang standard ng BPS so kung may ICC o BPS sticker ka, pasok na sa banga yan.

Nakahawak na ba kayo ng sub-standard na helmet? Na kahit ang mismong dalawang kamay natin ay kayang itupi?

Yang mga klaseng helmet na yan ay lantarang binebenta sa RAON, sa PIER at sa ibat ibang parte pa ng kaMaynilaan. Ito yung mga HELMET na “Can Afford” ng mahihirap na rider, kasi nga daw mas mura.

Madalas pa, ang gamit naman ng mga scooterista “Breezy Boys” ay yung nutshell helmet na gamit pambisikleta.

Una, kaya nga tinawag ito na pam bisikleta dahil ang impact na kaya nito ay yung impact na pang bisikleta lang din, low speed kumbaga, high speed impact ang sa motorsiklo at kung madidisgrasya kayo na gamit ang helmet na pambisikleta ay mas may tendency na, alam mo na, mauna kayo.

Yung mga sub-standard helmet na yan ay naglalaro din naman sa presyong, 800-1,5k, may mas mababa pa tulad ng mga half face na nasa 400 pataas lang. Kung kaya naman ng ibang bumili ng tig 1,5k na helmet, konti na lang ang idadagdag nila at makakakuha na sila ng helmet na mas maayos tulad ng Spyder (Paps Telly, sponsor ko, Char!), LS2, Zeus, KYT, HJC at marami pang iba.

Atleast, dito sa mga helmet na ito ay mas Malaki ang tyansa mong maligtas sa oras ng aksidente. Hindi yung makikipag pustahan ka na puede kang mamatay dahil sa sub-standard na helmet na gamit mo.

Or kung hindi talaga afford, may mga rich kids tayo jan na nagbebenta ng 2^nd hand helmets na maayos din naman. Bakit hindi yun ang bilhin.

Kesa naman, bumili ka ng sub-standard na helmet, dahil sabi mo nga ay hindi mo afford, tapos bibili ka ng pang cover na “predator” na nagmumukha ka lang din naming timang.

Bukod sa hindi proportion sa katawan nyo yung laki nung pamatong sa helmet eh mukha pa kayong mga sirkerong kulang sa pansin.

Pasensya na, pero hindi ko talaga na tripan yang style na yan, pang Costplay siguro, OO, pero sa actual napag mo-motor, mukhang tanga. Tumesting ako one time, may kabigatan pa sa ulo, isang maaaring maging dahilan nang pagka disgrasya. No offense dun sa Predator na Motorcycle Club ha. 

Pero it’s a No-No to me.

So, helmet, pinaka importanteng proteksyon sa ating ULO. Mas unahin sana ito, hindi yung kung ano anong pagpapa lowerd, panipis ng gulong, pa chrome, palagay ng nakaka bulag na LED lights, Open pipe na napaka mamahal ang unahin, HELMET muna sana.

Pormadong pormado ang motor, lintek ang accessories, kesyo branded lahat ng naka install, Puta-kte, ang HELMET, pambisikleta. Anak ng Puta! Hallerrr! Kesyo, mahal daw kasi. LOL. Tolonges di ba?

Mahal nyo naman siguro ang pamilya nyo, kung wala man kayong pamilya, kahit yung motor nyo na lang. Kung gusto nyo pang ma enjoy mag motor. Abay gamit gamit din ng maayos na helmet.

Ilang beses ko na ding napaliwanag kung bakit. Isa din sa prinsipyo ko yung FREEDOM of CHOICE, pero ito ay dapat mandatory sa ating RIDERS.

Galawang “Tolonges” Rider

Galawang “Tolonges” Rider

By Gene B. Ulag

Manigong Bagong Taon sa inyong lahat na pilit na pilit ang pag subaybay sa napaka Brutal, malupit sumampal, at para sa iba’y kupal na BLOG ko. Masakit talagang tangapin ang katotohanan kapag narinig mo to.

Well, Bagong Taon na, baka trip nyo ding baguhin yang mga EGO nyo na daig pa ang pusong mamon sa pagiging sensitibo. Siempre, nagbabalik ulit tayo para sa isa nanamang artikulo na ikabu bwiset ng mga UTAK TAHO nating kasama sa Riding Community.

Bago ko pala simulan, Maraming maraming Salamat sa patuloy na pag suporta sa Motorsiklo News Magazine, may mga na published na po tayong artikulo sa MNM na galling po mismo sa ating blog site. At salamat din po sa panonood ng Motorsiklo News Talk Show tuwing Byernes ng gabi, well appreciated po ang inyong pagpupuyat. Ang mga pangunahing host po jan ay sina Mel Aquino, Titan Hawk at ang Helmetologist na si Telly Buhay. Siempre may segment tayong SELF DEFENSE 101 at ako po ang host.

So, ayun na nga, ang ibubulalas ko ngayon ay yung mga Galawan ng ibang RIDER  sa kalsada. Abay napakarami po nito, mula sa pag susuot ng helmet, pag susuot ng helmet ng TAMA, 

paninigarilyo habang nag mo-motor, mga nakakasilaw na LED lights, yung mga naka hazard na wala namang emergency at napakarami pang iba, kaya mahaba haba itong babasahin nyo, kaya bago nyo simulang basahin, maging NEUTRAL na muna at wag masyadong damdamin ang EGO para na din ma enjoy mo ang artikulo.

PAG SUOT NG HELMET:

REPUBLIC ACT NO. 10054

AN ACT MANDATING ALL MOTORCYCLE RIDERS TO WEAR STANDARD PROTECTIVE MOTORCYCLE HELMETS WHILE DRIVING AND PROVIDING PENALTIES THEREFOR

http://www.lawphil.net/statutes/repacts/ra2010/ra_10054_2010.html

Isa na pong batas ang pag susuot ng helmet sa buong kapuluan. Dahil na din sa maraming insidente ng aksidente nang motorsiklo. Batay sa pag aaral ng University of California, nabawasan ng 40.3% ang fatalities sa mga motorcycle related accidents noong 1991 to 1993 bago pa maging epektibo ang helmet law sa California.

So ang ibig sabihin ay may malaki talagang tulong ang pagsusuot ng helmet. #BOOM

Dito sa atin, itoy na implementa noong July 27, 2009. Unang araw ng implementasyon, hulihan dito, hulihan doon ang nangyari, dahil ganito naman tayong mga Pinoy, ningas kugon.

Makatapos ng ilang taon, gaano pa din ba kahigpit ang pag mo-motor ng walang helmet?

Dito sa Bacoor, madalas pa din akong makakita ng rider na walang helmet, enforcer na walang helmet, mga pasaway na walang helmet.

Nung isang Linggo, may mga nanghuhuli ng walang helmet, pero isang araw lang yata nila ginawa yun. Dahil kinabukasan, wala nanaman sila. Hindi naman na ako nagtataka.

Hindi ko din mawari kung bakit marami pa ding nag iisip nang

“Malapit lang naman eh, din a ako mag he-helmet”

“Magugulo ang buhok ko eh”

Madasalas, may angkas pang mga bata, na wala ding helmet. Ako ay noon pa man eh, hindi na sang ayon sa pag aangkas ng bata sa motor na mas bata pa sa 10 taong gulang. Pero, may mga magulang pa din na parang walang pakialam sa mga anak nila. Kesyo, hindi naman daw sila madidisgrasya.

Hindi ko alam kung kalahi nila si Madam Auring o si Jojo Acuin at kung makapang hula ay masyadong accurate. Kasi sa aking pag kaka-alam ay, kaya nga tinawag na aksidente ito, ay dahil hindi mo alam na mangyayari.

Isa pa, may mga riders ding kalahati lang ang pag susuot ng helmet, yung tipong nakapatong lang sa ulo, tapos hind naka strap. Hindi ko alam kung anong pauso ito, pero mas hindi ka magiging kumportable jan dahil yung bigat ng helmet ay nasa likuran ng ulo mo, na nagiging dahilan na ma stress ang leeg mo, Oo, hindi mo mararamdaman kaagad, pero in the long run. Pasok ka sa banga.

Marami na ngang SUB STANDARD na helmet, may mga “DOT” certified pang nakasulat at may ICC sticker pa. Pero alam naman nating pare pareho na hindi aprubado at delikadong isuot dahil kapag nadisgrasya ka, imbes na may tsansa ka pag mabuhay eh wala na. Yung mga helmet na parang papel na sa gaang, na murang mura makukuha sa Raon, or yung kadalasang libre pag bumilika ng motor. Yung mga tabo helmet na kasing nipis ng plastic na balde ang kapal.

May kamahalan ang maayos na helmet, pero ito naman ay proteksyon natin sa ating mga ULO bakit hindi natin pag ipunan at ng makabili tayo ng maayos.

Ang siste eh, mas inuuna pa ang abubot sa motor para masabing maporma ang motor kesa sa proteksyon na mas kailangan natin. Tengeneng yan! Kung hindi ba naman mga UTAK TAHO yang mga hindot na yan!

Ni hindi pa nakakarating sa bahay ang bagong biling motor, nabilhan na agad ng rear set, manipis na gulong at rims, mga LED na nakakasilaw at kung ano ano pa, pero ang helmet, yung TABO helmet na libre sa casa.

Maraming affordable ay mahusay na helmet tulad ng SPYDER  (Baka ma isponsoran ako ng SPYDER Papa Telly, hehehehehe).

 Well, kidding aside, may SPYDER akong helmet noon, at naka dalawang balibag TAE din ako sa helmet ko na yan. Since full face ang gamit ko. Walang tama ang inabot ng aking napaka gwapong mukha. Masasabi kong ding Mahusay ang ZEUS may kabigatan ng kaunti pero matibay at yan ay kayang patunayan ng marami.

At marami pang iba na affordable at matibay, kailangan nyo lang maghanap at mag GUGEL.

Ako ay PRO-CHOICE, at choice ko ang mag suot ng helmet, ke malapit o malayo. Oo, isang dahilan na ay gusto kong magkaron ng pag asang mabuhay kapag akoy naaksidente. Dahil na din akoy pamilyado at maraming umaasa sa akin. Ok lang magulo ang buhok ko (Kung meron man) Wala akong pakialam kung malapit lang yan, basta ang choice ko ay mag helmet. Mag suot ng maayos na helmet at isuot ito ng tama.

PANINIGARILYO HABANG NAG MO-MOTOR:

Ok sige, nabo-boring ka sa traffic o sa long ride. Kaya mo naisipang mag sigarilyo.

Hithit dito, buga doon, habang naka hinto ka sa traffic light.

Naisip mo bang may ibang rider na hindi naninigarilyo? Na kada buga mo ay naaamoy ang usok ng sigarilyo mo?

Na pag naandar ka na ay yung upos ng sigarilyo mo ay napupunta sa mukha nila kadalasan?

Well malamang hindi, kasi kung naiisip mo yun, dapat hindi ka naninigarilyong deputa ka. Hindi lang dahil, mauusukan mo sila, dahil na din sa BATAS na ang pagbabawal ng PANINIGARILYO sa pampublikong lugar.

Republic Act No. 9211   

AN ACT REGULATING THE PACKAGING, USE, SALE DISTRIBUTION AND 
ADVERTISEMENTS OF TOBACCO PRODUCTS AND FOR OTHER PURPOSES

http://www.lawphil.net/statutes/repacts/ra2003/ra_9211_2003.html

Hindi man direktang binangit na ipinagbabawal ang paninigarilyo habang naka motor, ngunit ang kalsada ay itinuturing na public place pa din.

Oo, maraming loop holes sa batas natin at hindi ako abogado para maging eksperto dito. Pero, common sense na lang, hindi lang ikaw ang tao sa mundo. Magsigarilyo ka sa tamang lugar!

NAKAKASILAW NA AUXILIARY LIGHTS:

Nabangit ko na ang mga nakaka silaw na LED LIGHTS dito sa nauna kong blog post na “Standard get up para sa RIDERS” > http://bikersworld101.blogspot.com/2015/11/standard-get-up-para-sa-riders-by-gene-b.html

Nakakairita ang mga ilaw na pag nakasalubong mo eh akala mong kinukuha ka na ng LORD. May 12 LED bar na, may dalawa pang 6 led bar. Kasabay pa ng kung ano anong blinker sa motor na akala mo ay laging may emergency.

Malabo ang mata? Hindi makita ang daan? Ano bang dahilan ang meron kayo? PORMA? Kahit na, nakaka perwisyo sa ibang motorista?

Abay, palakpakan, IBANG KLASENG TANGA KA!

Ang sarap mong palakpakan, sa MUKHA!

Ok lang mag LED LIGHTS at kahit Xmas lights pa yang ilagay mo sa motor mo, ang akin lang eh, pag may kasalubong ka, patayin mo, dahil wala namang low beam yang mga hindi putang LED nay an eh, nakatutok sa mata ng kasalubong nyo.

O, basahin nyo to, hango ito sa RA 4136:

ARTICLE IV

Accessories of Motor Vehicles

c) Headlights. – Every motor vehicle of more than one meter of projected width, while in use on any public highway shall bear two headlights, one on each side, with white or yellowish light visible from the front, which, not later than one-half hour after sunset and until at least one-half four before sunrise and whenever weather conditions so require, shall both be lighted.

Additional lamps and light may be carried, but no red lights shall be visible forward or ahead of the vehicle. Trucks, buses, trailers, and other similar vehicles must carry, while in use on any public highway during night-time, colored riding lights on each of the four corners not more than ten centimeters from the top.

All motor vehicles shall be equipped with devices for varying the intensity of light, and the driver must dim the headlights or tilt the beams downward whenever the vehicle is being operated on well-lighted streets within the limits of cities, municipalities, and thickly populated barrios or districts, or whenever such vehicle meets another vehicle on any public highway.

Kung ok lang sa inyo na mabulag ng kasalubong nyo eh wala kaming pakialam, basta ang sa amin ay, patayin yang LED lights nyo pag may kasalubong kayo. Dahil, hindi nyo naman maitututok sa baba yan ng biglaan, so patayin nyo na lang.

Delikado ang masilaw dahil hindi nyo nakikita ang nasa unahan nyo. Masyadong naiirita ang mata at nawawala ang atensyon sa kalsada.

Minsan, may mga nuknukang din ng tanga, na pati sa likod ay may LED BLINKERS.

May kakilala akong ganyan, naka super 4, feeling LESPU ang datingan, may radio, harap likod may blinker, at take note, kilala itong tolonges na ito sa riding community. Minsan, nakuhanan ng video at picture nung isang rider at na I post sa isang page ng motor sa facebook, na bash dahil nga pati likod nya ay may blinkers na nakasisilaw sa mga motorist.

Alam kaya nyang bawal ito? O dahil na carried away lang sya dahil ang club nya ay maraming dati at active law enforcers na sa tingin nya ay law enforcer na din sya?

Oh heto, para sa kaalaman ng iba na puro pag mo-motor lang ang alam at hindi man langm aka pag GOOGLE.

PRESIDENTIAL DECREE No. 96 January 13, 1973

DECLARING UNLAWFUL THE USE OR ATTACHMENT OF SIRENS, BELLS, HORNS, WHISTLES OR SIMILAR GADGETS THAT EMIT EXCEPTIONALLY LOUD OR STARTLING SOUNDS, INCLUDING DOMELIGHTS AND OTHER SIGNALLING OR FLASHING DEVICES ON MOTOR VEHICLES AND PROVIDING CERTAIN EXCEPTIONS THEREFOR

Lakas ng blind item no?!

Ang pinupunto ko lang, nandun na tayo, hindi mo makita ang daan, o malabo ang mata mo, konsiderasyon naman, pag may nakasalubong ka, patayin mo, dahil nasisilaw kami. 

Hindi mo itutok sa mukha mo yan ng malaman mo ang sinasabi namin. Wag puro porma tsong, magkasilbi ka din sana.

PAG GAMIT NG HAZARD LIGHTS, ROAD ETIQUTTE AT IBA PANG CHUVA:

Marami pa din nito, ilang beses ko na din itong nabangit sa aking mga artikulo. Marami pa ding rider ang hindi alam kung ano ang silbi ng HAZARD LIGHTS.

Maka ilang beses din akong may tinanong na naka HAZARD nab aka kako ay may problema at matulungan ko, ang kadalasang sagot sa akin ay “Porma lang bro”.

Anak ni BINAY!?! Ano?! Anong ikina porma nyan? Hindi naman yan ang silbi ng pag gamit ng hazard light. Ginagamit ito kung may EMERGENCY ka. Kelan pa naging pamorma yan?!

Karamihan sa riders natin, sila yung mga natuto lang magpa takbo ng motor, sila yung mga hindi masyadong ma-alam  / marunong sa batas pang kalsada.

Halimbawa na lang sa West Service Road galling ng Villamor Airbase papuntang Merville, yan ay 2 laner lang, and YES, BROKEN WHITE LINE ang road marking dito, meaning na puede kang mag overtake basta gamitin mo ang signal lights mo para malaman ng kasunod mo at ng makakasalubong mo, pero hindi ibig sabihin na sa GITNA ka dumaan. Pero, karamihan ng nakakasabay ko eh, nabusina pa habang binabaybay ang gitnang linya.

Wet depek?!

Anong trip ng mga ito?! Ito lang eh isang halimbawa na ang ilang mga RIDER ay walang alam sa ROAD MARKINGS sa atin. Bakit ba inilagay itong mga ROAD MARKINGS na ito? Ito ay para maiwasan ang aksidente sa kalsada. Hindi para madisgrasya, ilang disgrasya na din ang nasaksihan ko jan sa service road nay an na involve ang motor na nasa gitna ng dalawang lane.

Heto, ilang artikulo na puedeng basahin para sa kaalaman ng karamihan.

http://roadethic.blogspot.com/2010/03/basic-pavement-markings.html

http://www.aaphilippines.org/articles.aspx?ArticleID=177

KAKA GO SIGNAL PA LANG, TODONG BUSINA NA AGAD:

Etiketa, Common sense at respeto sa motorista.

Yung bang, kaka go pa lang ng traffic light, yung nasa likod mo, kung maka busina eh akala mo, mamamatay na sya.

Na encounter nyo na ito, maaaring pinapalampas nyo lang o hindi pinapansin pero lagging may ganito sa stoplight.

Marami na ding ROAD RAGE involving cagers and riders dahil sa galawang ito. Hindi ko din mawari kung bakit may mga UTAK TAHO  talagang motorista at kailangan pang gawin ito.

Hindi ba mahintay na umandar na lang at wag ng bumusina? Lahat naman tayo paniguradong may kanya kayang dahilan pero kadalasan eh SOLID NA KABOBOHAN lang din naman.

Bagong taon na, Bagong Galawan na din sana. Masakit sa bangs pag na e-encounter mo eh. Sarap paputukan ng Goodbye Philippines sa Pwet!

Cool lang sana at kalma lang guys. LOL. Para maayos ang pagpasok ng taon sa ating lahat. Marami ding buhay ang naisugal jan sa mga insidenteng nagiging road rage. Ito ay ang iniiwasan nating mangyari.

Ang tatapang pa naman ng lahi nating mga Pinoy. Ayaw magtalo.

So, hangang sa muli (Batibot line) wag kalimutang manoon ng Motorsiklo News Talk Show tuwing Byernes sa ganap na alas 10 ng gabi, kung gusto nyo namang mapanoon online, I search lang sa youtube ang “Motorsiklo News Magazine”.

Salamat sa pagbabasa at Muli, Manigong Bagong Taon.

Ang dalawang mukha ng Adbokasiya

Ang dalawang mukha ng Adbokasiya

Gene B. Ulag

Tandang tanda ko pa noon, nung unang sumali ako sa pakikibaka, iilan lang kami, hindi yata umabot ng libo, solo rider ako noon, ito yung tinatawag nilang “Freeways ban” noon, kung saan, inilalaban ang karapatan ng sub400 na makapasok sa Express way. Ilang beses kaming pumasok sa expressway, nag solo pa nga ako at hindi naman din natikitan, may pangyayari ding kinasahan kami ng shotgun, Memories. Hehehe!

Sumunod ay yung plate number on helmet ni Bayani Fernando, isa ding matinding laban na ikinawagi naman ng mga lumaban, halos mapuno ang EDSA simula Magallanes hanggang sa opisina ng MMDA. Nag bigay din ng matinding traffic kayat marami ding nainis na cager at commuter sa mga riders nung oras na yun.

Sumunod ay yung Anti Modification law, matagal na paghahanda, meeting kaliwat kanan, meet up  sa tambayan, pakikipag usap sa mga ahensya na involved. Madugong proseso sabi nga nila. Nung araw ng motorcade / info rally, Linggo yun, ngunit napakaraming LTO officers ang nagkalat sa kalsada upang bantayan ang pagpunta naming sa Plaza Miranda. Dito, marami ding sumama, galling sa ibat ibang parte ng kaMaynilaan at karatig probinsya.

At marami pang sumunod, nanjan ang pagtulong sa mga nangangailangan, pagdadala ng laruan sa mga bata sa ampunan at napakarami pang iba.

Pero ano nga ba ang naidulot nito sa iba? Nagkaron ng kani-kanilang opinion, kani-kanilang paniniwala at katwiran. Hanggang sa ang iba ay nagkawatak watak na at nagkaron ng kanya kanyang paksyon.

Sagutan, sumbatan, patalinuhan, payabangan at kung ano ano pa. At sa isang banda, ako ay naging parte ng “Word War” na tinatawag nila.

Dahil din sa mga paniniwalang ito, kanya kanyang brain-washan ng kanya kanyang lider ng grupo, napakaraming magkakaibigan ang naging mag-kakaaway.

Sa aking karanasan lang eh, may mga kaibigan akong tinabla ako dahil lang sa tinira ko ang lider nila. Ngunit wala naman kaming pinag awayan, bigla na lang akong ,hindi na daw kaibigan. Hahaha. 

Oo, nakakatawa.

So, umalis ako, tinigil ko ang kung ano mang bugso sa damdamin ko para sumama pa o sumapi sa kung ano man, naging taga matyag na lamang ako habang sila ay nagpapalitan ng insulto, mura at banta sa bawat isa. Umalis ako hindi dahil sa hindi ko kayang gawin o gampanan ang kung ano man tungkulin ang naiatas sa akin. Umalis at tumigil ako dahil sa nakakasuklam na kalakaran at pangyayari na nagaganap sa bawat paksyon.

Sabi nga nung kaibigan ko “I ride alone, less bullshit”. Well, totoo naman talaga. Siguro lang talaga na kinagat ako ng kung ano mang insekto at ako ay nahilig sa mga ganyang bagay. 

Sabi nila, tumatanda tayo at kaakibat nito ay ang pagiging responsible mong tao dahil na din siguro sa mga maling nagawa mo along the way. Siguro, ako ay tumatanda na nga.

Pero marami pa din akong nakikita na tumanda nat lahat ay parang wala pa ding pinagkatandaan. Nagpapasakop sa maling kapangyarihan sa kabilang sila ay may sariling isip din naman. Naging sundalo ng kani kanilang grupo para ipagtangol ang “Intergridad” na inilalaban nila.

Samantalang ang mga taong involved ay walang bayag aminin sa karamihan kung sino ang nagkamali at kung ano ang nangyari.

Kaya ang tanong ng bawat grupo ay “Yan ba ang gusto nyong maging Lider?”.

Sa dami ng nagsulputang NGO na lumalaban sa karapatan ng Rider, maraming luma, marami din naman bago, kanya kanyang adbokasiya at kanya kanyang paniniwala. Kanya kanyang hatak ng mga sasali at kanya kanyang gimik, na ang kinahantungan sa huli ay kanya kanyang “bashing” dahil sa hindi naniniwala ang kani kanilang grupo sa opinion at paniniwala ng kani kanilang grupo.

Magulo diba? Iilan pa lang yan, wala ka pang nakitang matinde. Wala pa dyan yung mga Death Threats sa mga lider ng ibang ibang grupo.

Pero, hindi bat noon ay camaraderie at brotherhood ang isa sa layunin ng mga grupong ito? Sunod na lamang dapat ang adbokasiya? Pero, sabi ko nga, nang dahil sa kani kanilang opinion, ay maraming mga magkakaibigan ang naging magkaka-away ng dahil dito.

Nang dahil sa opinion na parehas nilang iniisip na ang kanilang grupo ay ang mas may tamang adbokasiya  para sa karamihan ng rider.

Alam nating may punto parehas, alam nating gusto lang nilang maging maayos at hindi maabuso ang mga maliliit na rider na katulad natin. Nandun na tayo, parehas may punto.

Kung parehas may punto, ay bakit hindi mapag usapan ng maayos at hindi mapagkasundo ang mga grupong ito? Sa Pula o sa Puti, laging parang sabong, habang ang mga lider nila ay natutulog, ang mga alagad naman ang nag aaway at nagbabatuhan ng akusasyon sa bawat isa.

Komento sa bawat komento, insulto sa bawat insulto, talino laban sa talino at opinion laban sa opinion. Habang ang mga walang alam ay panay ang pakikisawsaw sa diskusyon na lalong nagpapa lakas ng apoy sa alitan, at ang mga totoong may alam ay walang kibo at mas pinili yatang itago na lang ang kanilang nalalaman.

Ito na ba ang pinangarap nating “maging” matapos ang ilang taon? Ito na ba ang pag asang mag-aayos sa malabong batas at pang aabuso sa mga maliliit na mananakay? Samantalang ang sariling mga gusot ng mga grupong kinabibilangan nila ay hindi nila maayos?

Nasan na ulit tayo? Ayun, ipaglaban ang karapatan ng mananakay ng motorsiklo. Napaka gandang pakingan hindi ba? 

Napakagandang pakingan, pero kung huhukayin mo, ano ba ang makikita natin?

Hindi ko alam kung kasikatan, pera at kung ano pa ang gusto nilang makamit, dahil panigurado namang sasabihin nila na hindi nila kailangan ang “Fame” o “pera” kung may involvement na pera. Paniguradong sasabihin nila ay “hangad lamang namin ay ang tama para sa rider” o kung ano man ang katumbas nyan.

Mahirap na ding alamin kung sino ang nagsasabi ng totoo, well, hindi naman tayo manghuhula, kaya ang nangyayari ay pagalingan na lang ng “Dila” at kung sino ang mas mahusay mag kwento.

Sabi nga sa pelikulang Heneral Luna ni Jerrold Tarog “May mas malaki tayong kalaban bukod sa mga Amerikano, ito ay ang ating sarili”. (excerpt from Heneral Luna)

May katotohanan din naman hindi ba? Mahirap kalaban ang sarili dahil kapag kinain ka na ng “Pride” at ambisyon mo, ay mahihirapan ka nang palapatin sa lupa ang mga paa mo.

Masakit isipin pero totoo, napaka daling sabihin ang salitang “pagkakaisa” pero ang katotohanan ay mas Malabo pa ito sa tubig na may putik galing sa alikabok ng pansariling interes.

Isa tayong komunidad ng nag mo-motor, isa tayong “Bayan” ng nag mo-motor. Ito ba ang gusto nating ipakita sa mga bago pa lang sasama sa adbokasiya?

Ngayon sagutin natin ito (excerpt from Heneral Luna again) “Mamili ka, Bayan o Sarili?”.

Nasabi ko na noon na ang kaawa awa dito ay hindi sila na may malalaking pangalan sa komunidad, kung hindi ang mga maliliit na mananakay, silang mga nagkaka interes na sumama sa adbokasiya, silang walang ka-alam alam sa mga tunay na nangyari, na ngayon ay nagagatungan pa ng mga walang alam.

San na ba hahantong ito? Sa tingin nyo ba ay nakabubuti ito? Malayo na nga noon ang sinasabi nilang “Pagkakaisa” na mas pinalabo pa ngayon.

Parang showbiz sa dami ng tsismis, bakit hindi sila mag artista? Hane?!

Well, sabi nga nila, “Time heals all wounds” and I hope that time comes sooner.

Sad Life

Kagabi, nakita ko na may post ang anak ko ng "Sad life". Kinausap ko sya kung para saan yun, sabi nya, wala lang daw, Grade 5 na ang panganay ko, sabi ko sa kanya bukas na kami mag-usap at gabi na para sa argumento.

Kanina, tinanong ko ulit sya kung para saan yung "Sad life" na post nya, sabi nya ulit, wala lang daw, sinabi ko sa kanya na nakikita yun ng mga pinsan nya, kamag anak at kaibigan na naka add sa facebook account nya, sa panahon ngayon, paniguradong iba na ang iniisip ng mga tao sa kung anong nangyayari sa kanya.

Ipinaliwanag ko sa kanya na ang "Sad Life" ay yung kailangan mong mangahoy para may pera ka kinabukasan, libutin ang buong Pasay maka hanap lang ng scrap na kahoy para maibenta sa mag ma-mais dun sa lugar namin, mag igib ng tubig sa mga kapit bahay, magbantay sa sugalan, manghingi ng pagkain sa mga kamag anak na halos patayin na kami sa pang ma-mata.

Ang Sad Life eh yung lumaki ka sa magulong lugar, na parang wala ng option kung hindi mag adik ka na lang din dahil yun ang lagi mong nakikita, rambol, riot, saksakan at patayan ay regular lang na buhay na umiikot sa kinalakihang kong lugar noon, Yun ang Sad Life.

Sad life na kailangan mong lumaban dahil kung hindi ay magiging pagkain ka ng mas malalakas at mas matatapang sa iyo. 

Grade 4 ako, nilalakad ko ang M. Dela Cruz hangang Rotonda sa Edsa, lakad ha.

Nagtitinda ako ng mais sa palengke ng Pasay sa umaga, bukod pa sa pagluluto ng mais sa gabi. Sa hapon naman, ay nagtitinda ako ng kakanin sa Makati para may extra pa akong pera.

Natuto akong magsugal, mag inom at mag adik. Dahil ang tingin ko noon ay wala ng choice kung hndi sumabay na lang sa agos ng tubig sa paligid ko.

Yun ang Sad life. 

Nagsisikap kaming mag asawa na pag aralin sya sa magandang eskwela, hindi lang basta maganda, kundi pribadong eskwela, may masarap na baong pagkain bukod pa sa pera. Hindi nahuhuli sa bayad sa matrikula.

Nakakakain ng masarap, may bahay nasisilungan, may Tv na pinapanooran hindi katulad ko noon na nakikinood lang, May internet at may computer na hindi na kailangang pumunta sa mga internet cafe.

Nakakatuwa nga ding isipin kapag sinasabi ng mayayaman na kaya nilang mabuhay sa hirap. 

Nakapag ulam na kaya sila ng sitsirya? Yung tag pi-pisong sitsirya na iuulam mo sa kanin?

Hindi kami mayaman, pero nabubuhay kami ng sapat at hindi nagugutom, Oo, madalas kinakapos na alam naman nating normal lang, pero namumuhay kami ng marangal at hindi nanghihingi. 

Hindi namin niyayakap ang mga bagay na hindi naman namin kayang yakapin. Kuntento kami sa bagay na meron kami.

Alam kong isa lamang yun sa mga “Wala lang” post ng anak ko. Gusto kong magalit at the same time ay maiyak, ewan ko, emosyon siguro. Bilang Ama na alam mong ginagawa mo ang lahat para sa pamilya mo.

Naisip ko din na pabata ng pabata ang mga insidente ng pagiging Emo ng kabataan that leads to something else. Kailan pala ng atensyon ng bata, pero hindi napapansin ng magulang kaya nauuwi sa pag re-rebelde. 

Mahal na mahal ko ang anak ko, at sana ay balang araw, ay maging responsible syang tao, na may moral at tibay nang dibdib na harapin ang bawat pagsubok na madadaanan nya sa kwentong tinatawag na buhay.

Turuan natin ang mga anak natin ng wastong pag gamit ng social media, dahil ang bawat post nila dito ay maaaring ma mis-interpret ng iba.

Maaari ding magamit ng iba sa pan sarili nilang interes, maaaring maging mabuti at maaari ding ikasama.

Sabi nga nila “Think, before you click”

Mahal na mahal ka namin anak, kayo ng kapatid mo. 

Standard get up para sa RIDERS

Standard get up para sa RIDERS

By Gene B. Ulag

Well, Matagal na din akong nag mo-motor, ilang taon na din nung sumama ako sa grupo at naging aktibo bilang rider.

Noon, simple lang ang get up, kung ano ang standard, padded jacket, shin guard, high cut leather boots, gwantes at helmet, kung wala namang padded jacket, nauso din yung Fox na body armor, elbow guard kung wala kang padded jacket, tsaka yung isa ding naging mainstream na suot ng mga riders noon, yung Back Protection.

Nakakatuwa yung get up ng mga riders, lalo na’t pag tambay nights, ewan ko ha, pero sabi nila, hindi naman daw nagpapagandahan ng get up ang bawat isa pero pagdating sa tambayan, naka Dainese na jacket at gwantes, AGV o Arai na helmet, naka racing boots pa yung iba.

Yung iba naman, parang breezy boys lang, naka t-shirt, gwantes na itim at siempre, naka back pro.

Oo, aminado kami, lalo na ako, na yung grupo namin,  bihira ang get up-an na ganito, siguro una, malapit kami sa tambayan namin, na alam kong hindi naman valid na dahilan kung paghahanda sa disgrasya ang pag uusapan, pero kung kami ay may ride, ganyan din kami mag pormahan, dress for the crash nga daw di ba at hindi dress for the ride.

So yun na nga, mabalik tayo, ganun lang ka simple ang  up-an noon, nagsimula akong gumamit ng reflectorized vest nung madalas na ang pag byahe ko ng gabi. Pero iilan lang din ang may vest na may logo ng grupo nila. Kami nga eh ni isang beses ay hindi nakapag pagawa ng vest na may logo, puro plain white or yellow reflector vest lang ang ginagamit namin.

Pero ngayon, iba na ang get up, kung noon ay standard yang mga nabangit ko, ngayon ay “dapat” ganyan na ang suot mo, hindi na ito basta standard na lang kung hindi ito ay “uniporme” na din.

Dagdag pa ang nakakasilaw na LED lights at may blinkers pang kasama. Ibat ibang design ng vest na may naglalakihang “logo” ng MC Club nila. 

May Two way radio din na naka display sa dibdib nila na kadalasay parang mga bubuyug na bulong ng bulong kahit walang ride. Masyado sigurong malakas ang signal ng radio nila.

Actually, nakakatuwang tingnan na sa pagdaan ng panahon ay nag evolve at madami ding na inform na riders tungkol sa mga get up na ito, yung ibang solo riders ay natuto na ding mag suot ng vest at crash gears.

Ngunit, datapwat, subalit, sapat na ba ito? I mean is, sapat na ba ito para mabansagang Disiplinadong mananakay na tayo?

Dahil nitong mga nakaraang araw ay parang ito na ang nagiging basehan ng pagiging Disiplinado sa mata ng kapwa mananakay.

Ngunit, marami pa ding mananakay na barubal, bastos, pasaway at walang respeto sa kapwa motorista at commuters.

Oo, nandun na tayo, sa isang daan ay iilan ilan lang naman yang mga hindiputang yan. Pero, sana ay bago nila suotin ang CLUB Vest nila ay alam din nila ang kaakibat na responsibilidad nila sa kalsada, dahil yang maliliit na kagaguhan nilang ginagawa ay malaki ang impact sa MC Club nila at sa mga rider in general.

Buti kanyo kung sila lamang ang madidisgrasya, eh mandadamay pa ang mga lintek. Tapos, para silang ads sign sa laki ng mga logo sa vest nila.

Sa panahon ngayon, ay usong uso yung mga tipong “pasikatin natin to” bullshit ng mga sensitibong netizens na akal mo naman ay walang nagawang kasalanan sa mundo.

Paano kung ma bidyuhan kayo ng actual, eh di wala na, yurak agad ang pagkakakilanlan ng grupo nyo. O kahit na kamo ma pictyuran lang kayo.

May magandang epekto at siempre may masama ding epekto yan. Eh san pa ba tayo lulugar, sa masama ba o sa maganda?

Kaya sana naman, wag mag sipag astang daig pa ang PULIS kung magpatigil ng traffic at harangan ang kalsada.

Matutong rumespeto sa kapwa motoristaat commuter at puede nating gawin yan sa hindi pag harang sa pedestrian lane, hindi porket humarang yun iba eh sasama ka na din at sisisihin sila na kasi sila ay humarang din, INTEGRIDAD , yan ang dapat tsong.

Wag basta, cut ng cut at maging defensive hindi lang para sa sarili, para sa ibang kasabay na din sa kalsada.

At sana, laging tandaan na hindi ang get up ang basehan para maging disiplinadong rider ka.

Hindi kailan man at hindi magiging basehan. Nasa tao yan. Nasa tao at wala sa get up o motor. 

Parking Etiquette

Parking Etiquette

Magandang araw ka-Motor. Pag usapan natin kung paano ka mag-parada (park) ng iyong iniingatang motor.

Naka side stand ba o center stand? Hindi naman lingid sa atin na may dalawang klase ng stand ang karamihan ng motor puera sa mga general sports motorcycle (category)  tulad ng Dirt bikes o MX bikes at ang siempre, race bikes or mas kilala sa tawag na “sports bike” o kadalasan ay yung mga cruiser bikes na may isang stand lang na makikita sa kaliwang bahagi nito (side stand).

Ikaw, paano mo ba ginagamit ang magkaibang Motorcycle stand na ito? Bakit ko naitanong kanyo, ito ay sa dahilang napakarami pa din na nag mo-motor na hindi alam ang function ng mga nabangit na klase ng “stand” sa kanilang motor.

Well, napaka simple lang naman, heto: (itoy aking sariling pananaw)

Side stand: Ginagamit lang ito kung may mabilisang kang bibilhin o gagawin at kailangan mo ding makabalik sa motor mo agad agad. Yung timpong nasa tindahan ka lang at bumili ng kung ano.

Center stand: Ginagamit naman ito kung saan alam mo na matatagalan ka sa pupuntahan mo.

(Picture taken at SM Bacoor, bikes are using Center Stand)

Simple hindi ba? Pero bakit may mga rider pa ding hindi ito naiintindihan? Hindi bat mas kombinyenteng sundin ang mga ito?

At bakit ko din ginawan ng issue ang pag gamit ng stand? Well, ganito kasi yun (sa tonong batanguenyo).

Sa parking lot, dapat mas ginagamit ang Center Stand dahil nga kaya ka gumamit o pumasok sa parking lot ay paniguradong matatagalan ka sa pupuntahan mo. Tama hindi ba? 

O dapat, yung center stand ang gamitin para mas stable ang pagkakaparada ng motor mo at hindi prone sa pagbagsak.

Dahil alam naman natin na sa parking lot ng motor ay kadalasang siksikan at hindi maiiwasang iurong ang motor mo para magkasya ang sa kanila. Ngayon, kung naka lock ang manibela mo at naka side stand ka, imbes na mas madali ang pag urong ay nagkakaron pa ng extra effort dahil nga naka lock ang manibela mo at hindi ka naka center stand.

Todong tantyahan ang nangyayari, hindi ko naman sinasabi na wag mong ilock ang manibela mo, ang pinupunta ko dito ay yung ibang rider na nagpaparada na masyadong “Maparaan”. Yung bang konting butas lang eh ipipilit pang ipasok ang motor nila makapag park lang. 

Kung talagang maluwag naman, eh choice mo na ang mag side stand, pero hindi ko pa din ina-advise kasi nga, pag nasabi ang manibela mo ng malakas lakas ay prone ito sa pagbagsak.

Matutuwa ka bang Makita yung motor mo na basag ang side mirror? O dented ang salamin? O basag ang signal lights? Tabingi ang lever? Panigurado hindi, kaya siguro sa pag sunod sa kung paano gamitin ang mga “stands” na ito ay hindi rin naman makakasama sa inyo.

Itong mga simpleng bagay na ito ay makakatulong din kahit papano sa congestion ng parking natin at panigurado na mas kampante kang umalis dahil alam mong mas stable ang motor mo kahit masagi sya.

Dahil alam naman natin na sa bungkos ng mananakay na yan ay may isang utak taho na walang pakialam sa motor ng iba. Mas maige na ang kampante, tama ba?

Anong klaseng Rider ka?

(Picture taken from Shogun Elite Club's Bolinao Ride in Jan 2010)

Anong klaseng Rider ka?

Natanong nyo na ba sa mga sarili nyo kung anong klaseng Rider ka?

Iba iba kasi ang klase ng rider, hindi lang sa mayaman o mahirap ha. As in maraming klaseng rider.

Madami akong nakakasabay na rider, kuntodo naka reflectorized vest, nakalagay ang logo ng grupo nila, suot ang armor jacket at shin guard. Kuntodo din ang ilaw sa harap at likod, sa sitwasyon ngayon, mga naka todong LED pa sila, may animan na, may labing-dalawahan pa.

Naka blinker ang isang set at ang isa namay panilaw lang, este, pang ILAW lang.

Meron namang, laging naka hazard lights na akala mo may emergency, na minsan may tinanong ako kung kailangan ba nya ng tulong at naka bukas ang kanyang hazard lights, ang sagot saken eh, para porma daw. Toinks!

Meron namang naka jacket lang, full face helmet at gwantes. 

Merong mahilig sa scooter, merong sa unberbones.

Merong mahilig sa Dirt bikes, merong sa big bikes.

Merong laging trip ay motor na bago, meron din namang mas luma ang gusto.

Ibat ibang klaseng panlasa, siempre, depende sa budget ng bulsa.

Merong mahilig sa pakikibaka, meron namang natulong sa masa.

May mga ayaw mag helmet, merong may gusto.

May mga matitino, siempre, meron ding mga abusado.

Merong mahilig sa maingay na tambutso, may gustong tahimik lang.

May mga taong naglalaan ng oras, pawis at dugo para ipaglaban ang karapatan ng mga rider.

Meron din namang mga rider na pilit ibinabagsak ang layunin ng iba, para sa layunin nila.

Ibat ibang klaseng mananakay, sa ibat ibang antas ng buhay at ibat ibang paniniwala.

Ang pag mo-motor ay parang showbiz, at kadalasan pa nga ay mas masahol pa sa showbiz. Madalas sabihin ng matatanda na ang pag mo-motor ay laging naka lagay na ang isang paa mo sa hukay.

Delikado naman talaga, lalo pat lugeng luge tayo kapag tayo ay binanga ng sasakyan, dahil hindi natin maiiwasan na may mga tolonges na naka kotse na galit sa naka motor. 

Well, given na yan.

Pero maiiwasan ba nating hindi sila magalit sa Rider, kung karamihan sa atin ay hindi alam ang batas, kung paano gamitin ang kalsada o basahin ang road signs o irespeto man lang ang Pedestrian Lane.

Sa lahat naman ng antas ng transportasyon ay may pasaway, naiintindihan natin yan. Kaya nga ang titulo nito eh anong klaseng rider ka.

Ikaw ba yung sunod sa uso, kuntodo japorms na mala Shaider ang look, o yung simpleng rider na naka helmet, jacket at gwantes lang? Well, hindi naman basehan ang pag su-suot ng mala Shaider na outfit para masabi nilang maayos kang mananakay. Sa totoo lang, mas marami akong nakikitang rider na naka Shaider outfit pero nuknukan ng pasaway, May wang-wang, blinker at kung ano ano pa.

Madalas din sa group rides, kung makapa hinto sa traffic akala mo eh nabili ang kalsada. 

May mga big bikers naman na maliliit ang tingin sa mga sub400 riders, meron namang hindi. Mas marami pa naman yung nakilala kong hindi matapobre sa motor kahit na silay naka malaki.

Meron ding mga sub400 na inis sa big bikers, balikan lang, haters gonna hate nga sabi nila.

Pero ano ba ang ipinupunto ko dito, hindi ko alam kung na gets nyo na. Siret?!

Ang pinupunto ko dito ay iisa lang tayo. RIDER tayo na dapat magtulungan, na dapat walang ingitan, na dapat magka akbay sa ano mang dagok na ibabato sa atin. Hindi yung “sila lang yan noh! Hindi kami ganyan”.

Marami na akong nakilala sa komunidad na ito, naging adbokasiya ko ang pagtutol sa mga baluktot na batas na gustong mag gupo sa mga rider.

Sumama at tumulong sa mga nangangailangan, maraming plastic, OO, pero marami pa ding tunay.

Lagi lang naman nanjan maninira, pag wala sila boring ang buhay, TAMA?

Sa komunidad na ito, mas marami akong naging kaibigan kesa sa naging kaaway. Simula sa MCP forum, weekly tambay nights at motorcycle gatherings, at wag nating iwaksi ang mga nakilala ko sa illegal drag racing sa Macapagal. Yes, Minsan sa buhay rider ko ay naging mamumusta ako jan. Lahat nagbabago.

Kaya yang mga panira sa anong mang trip mo o ng grupo mo eh mananawa din. Meron lang talagang hindi nagsasawa. Matuwa ka, one in a million yan.

Ayokong tumawag ng pagkakaisa, parang amplastic naman di ba? Na sabihin ko na patawarin nyo ang isat isa. Pero bangas ito sa komunidad na pare pareho nating minahal.

Bangas ito dahil nagkawatak watak ang mga dating magkakaibigan dahil sa may iilang mahilig gumawa ng kwento laban sa iba. 

Hindi bat ang layunin natin sa umpisa ay “Brotherhood and Camaraderie”? Pero nasan na sya ngayon? Anong klaseng Rider ang binabantaan ang kapwa rider? Eh wala na tayong pinag iba sa mga Gangster Bikers, Tama?

Sa dami ng issue na nakapaloob sa Motorcycling Community, nabangit ko na, na parang showbiz di ba? Na dun sa channel ng kabila, sila ang bida, kaya paglipat ng channel nung isa, puro kasiraan ang napapanood nya.

So pag naniwala ka? Anong klaseng rider ka? Hindi mo man lang binigyan ng pagkakataong ipagtangol nung kabilang istasyon ang mga sarili nila, ni hindi mo pinakingan ang katwiran nila, hindi mo na nagawang balansehin dahil nabulag ka na nung isa.

Masakit sabihin pero ganito ang nakikita ko ngayon. Kesyo si ganitong grupo ang nauna, ginaya lang kami.

Mas mahusay ang Marshal naming kesa sa kanila. Mas marami kaming natutulungan kesa sa kanila. At ang kadalasang issue pa, Tama ka, PERA!

Dahil may talaga namang mainit sa salapi. Ewan ko ba, bakit ang daming nabubulag jan, ang daming rider ang nagagawang manlamang ng kapwa nila rider para sa SALAPI.

Wala din akong salapi noh, akoy regular na rider lamang na kumakain ng tatlong beses isang araw. Ok, Ok, walong beses sa isang araw, eh sa mahilig akong kumain eh. Pero hindi naman ito tungkol sa pagkain ko. Tungkol ito sa klase ng rider na nakikita ko, na panigurado akong nakikita mo din.

Ikaw, bro, tol, pre, paps o kung ano man ang tawag nila sayo.

Ano ba ang puede mong gawin para maging patas sa issue na naririnig mo?

Ano ba ang puede mong gawin para hindi lumala ito? Ano ba ang puede mong gawin para hindi na magningas ang apoy.

Ikaw, Anong klaseng RIDER ka?!