Tamang Helmet

(Picture was taken by me on a bus going to Bacoor, a rider, inside Coastal Road, using a 400cc bike but wearing a bicycle helmet)

REPUBLIC ACT NO. 10054

AN ACT MANDATING ALL MOTORCYCLE RIDERS TO WEAR STANDARD PROTECTIVE MOTORCYCLE HELMETS WHILE DRIVING

Isang batas na alam naman nating pare pareho na makakapagbigay ng proteksyon sa atin mananakay ng malaking porsyento sa oras ng aksidente.

Well, marami na din ang nag he-helmet na riders ngayon, yun ang nakakatuwa sa batas na yan, ang hindi nakakatuwa ay yung mga taong nagsusuot ng helmet na hindi naman pang motor. Toinks!

May na encounter na akong suot ay yung pang Construction na helmet, yung safety hat na kung tawagin, yung iba naman ay yung pang bisikleta, at marami pang ibang alternatibong pantakip sa ulo para proteksyunan ang kanilang mga UTAK na parang ipinahid lang.

Oo, nagkalat ang mga sub-standard na helmet sa bansa, hindi rin naman mapigilan ng autoridad na magbenta ang karamihan. Dahil ang sinasabing basehan lamang sa batas na RA10054 na kapag may ICC o BPS sticker ay pasado na ito at yan ay mababasa sa Section 5 ng RA10054

“Section 5. Provision of Motorcycle Helmets. - A new motorcycle helmet which bears the Philippine Standard (PS) mark or Import Commodity Clearance (ICC) of the Bureau of Product Standards (BPS) and complies with the standards set by the BPS shall be made available by every seller and/or dealer every time a new motorcycle unit is purchased and which the purchaser may buy at bis option. Failure to comply with the requirements provided under this section shall constitute a violation of this Act.”

Na hindi naman natin alam kung ano ang standard ng BPS so kung may ICC o BPS sticker ka, pasok na sa banga yan.

Nakahawak na ba kayo ng sub-standard na helmet? Na kahit ang mismong dalawang kamay natin ay kayang itupi?

Yang mga klaseng helmet na yan ay lantarang binebenta sa RAON, sa PIER at sa ibat ibang parte pa ng kaMaynilaan. Ito yung mga HELMET na “Can Afford” ng mahihirap na rider, kasi nga daw mas mura.

Madalas pa, ang gamit naman ng mga scooterista “Breezy Boys” ay yung nutshell helmet na gamit pambisikleta.

Una, kaya nga tinawag ito na pam bisikleta dahil ang impact na kaya nito ay yung impact na pang bisikleta lang din, low speed kumbaga, high speed impact ang sa motorsiklo at kung madidisgrasya kayo na gamit ang helmet na pambisikleta ay mas may tendency na, alam mo na, mauna kayo.

Yung mga sub-standard helmet na yan ay naglalaro din naman sa presyong, 800-1,5k, may mas mababa pa tulad ng mga half face na nasa 400 pataas lang. Kung kaya naman ng ibang bumili ng tig 1,5k na helmet, konti na lang ang idadagdag nila at makakakuha na sila ng helmet na mas maayos tulad ng Spyder (Paps Telly, sponsor ko, Char!), LS2, Zeus, KYT, HJC at marami pang iba.

Atleast, dito sa mga helmet na ito ay mas Malaki ang tyansa mong maligtas sa oras ng aksidente. Hindi yung makikipag pustahan ka na puede kang mamatay dahil sa sub-standard na helmet na gamit mo.

Or kung hindi talaga afford, may mga rich kids tayo jan na nagbebenta ng 2^nd hand helmets na maayos din naman. Bakit hindi yun ang bilhin.

Kesa naman, bumili ka ng sub-standard na helmet, dahil sabi mo nga ay hindi mo afford, tapos bibili ka ng pang cover na “predator” na nagmumukha ka lang din naming timang.

Bukod sa hindi proportion sa katawan nyo yung laki nung pamatong sa helmet eh mukha pa kayong mga sirkerong kulang sa pansin.

Pasensya na, pero hindi ko talaga na tripan yang style na yan, pang Costplay siguro, OO, pero sa actual napag mo-motor, mukhang tanga. Tumesting ako one time, may kabigatan pa sa ulo, isang maaaring maging dahilan nang pagka disgrasya. No offense dun sa Predator na Motorcycle Club ha. 

Pero it’s a No-No to me.

So, helmet, pinaka importanteng proteksyon sa ating ULO. Mas unahin sana ito, hindi yung kung ano anong pagpapa lowerd, panipis ng gulong, pa chrome, palagay ng nakaka bulag na LED lights, Open pipe na napaka mamahal ang unahin, HELMET muna sana.

Pormadong pormado ang motor, lintek ang accessories, kesyo branded lahat ng naka install, Puta-kte, ang HELMET, pambisikleta. Anak ng Puta! Hallerrr! Kesyo, mahal daw kasi. LOL. Tolonges di ba?

Mahal nyo naman siguro ang pamilya nyo, kung wala man kayong pamilya, kahit yung motor nyo na lang. Kung gusto nyo pang ma enjoy mag motor. Abay gamit gamit din ng maayos na helmet.

Ilang beses ko na ding napaliwanag kung bakit. Isa din sa prinsipyo ko yung FREEDOM of CHOICE, pero ito ay dapat mandatory sa ating RIDERS.

Standard get up para sa RIDERS

Standard get up para sa RIDERS

By Gene B. Ulag

Well, Matagal na din akong nag mo-motor, ilang taon na din nung sumama ako sa grupo at naging aktibo bilang rider.

Noon, simple lang ang get up, kung ano ang standard, padded jacket, shin guard, high cut leather boots, gwantes at helmet, kung wala namang padded jacket, nauso din yung Fox na body armor, elbow guard kung wala kang padded jacket, tsaka yung isa ding naging mainstream na suot ng mga riders noon, yung Back Protection.

Nakakatuwa yung get up ng mga riders, lalo na’t pag tambay nights, ewan ko ha, pero sabi nila, hindi naman daw nagpapagandahan ng get up ang bawat isa pero pagdating sa tambayan, naka Dainese na jacket at gwantes, AGV o Arai na helmet, naka racing boots pa yung iba.

Yung iba naman, parang breezy boys lang, naka t-shirt, gwantes na itim at siempre, naka back pro.

Oo, aminado kami, lalo na ako, na yung grupo namin,  bihira ang get up-an na ganito, siguro una, malapit kami sa tambayan namin, na alam kong hindi naman valid na dahilan kung paghahanda sa disgrasya ang pag uusapan, pero kung kami ay may ride, ganyan din kami mag pormahan, dress for the crash nga daw di ba at hindi dress for the ride.

So yun na nga, mabalik tayo, ganun lang ka simple ang  up-an noon, nagsimula akong gumamit ng reflectorized vest nung madalas na ang pag byahe ko ng gabi. Pero iilan lang din ang may vest na may logo ng grupo nila. Kami nga eh ni isang beses ay hindi nakapag pagawa ng vest na may logo, puro plain white or yellow reflector vest lang ang ginagamit namin.

Pero ngayon, iba na ang get up, kung noon ay standard yang mga nabangit ko, ngayon ay “dapat” ganyan na ang suot mo, hindi na ito basta standard na lang kung hindi ito ay “uniporme” na din.

Dagdag pa ang nakakasilaw na LED lights at may blinkers pang kasama. Ibat ibang design ng vest na may naglalakihang “logo” ng MC Club nila. 

May Two way radio din na naka display sa dibdib nila na kadalasay parang mga bubuyug na bulong ng bulong kahit walang ride. Masyado sigurong malakas ang signal ng radio nila.

Actually, nakakatuwang tingnan na sa pagdaan ng panahon ay nag evolve at madami ding na inform na riders tungkol sa mga get up na ito, yung ibang solo riders ay natuto na ding mag suot ng vest at crash gears.

Ngunit, datapwat, subalit, sapat na ba ito? I mean is, sapat na ba ito para mabansagang Disiplinadong mananakay na tayo?

Dahil nitong mga nakaraang araw ay parang ito na ang nagiging basehan ng pagiging Disiplinado sa mata ng kapwa mananakay.

Ngunit, marami pa ding mananakay na barubal, bastos, pasaway at walang respeto sa kapwa motorista at commuters.

Oo, nandun na tayo, sa isang daan ay iilan ilan lang naman yang mga hindiputang yan. Pero, sana ay bago nila suotin ang CLUB Vest nila ay alam din nila ang kaakibat na responsibilidad nila sa kalsada, dahil yang maliliit na kagaguhan nilang ginagawa ay malaki ang impact sa MC Club nila at sa mga rider in general.

Buti kanyo kung sila lamang ang madidisgrasya, eh mandadamay pa ang mga lintek. Tapos, para silang ads sign sa laki ng mga logo sa vest nila.

Sa panahon ngayon, ay usong uso yung mga tipong “pasikatin natin to” bullshit ng mga sensitibong netizens na akal mo naman ay walang nagawang kasalanan sa mundo.

Paano kung ma bidyuhan kayo ng actual, eh di wala na, yurak agad ang pagkakakilanlan ng grupo nyo. O kahit na kamo ma pictyuran lang kayo.

May magandang epekto at siempre may masama ding epekto yan. Eh san pa ba tayo lulugar, sa masama ba o sa maganda?

Kaya sana naman, wag mag sipag astang daig pa ang PULIS kung magpatigil ng traffic at harangan ang kalsada.

Matutong rumespeto sa kapwa motoristaat commuter at puede nating gawin yan sa hindi pag harang sa pedestrian lane, hindi porket humarang yun iba eh sasama ka na din at sisisihin sila na kasi sila ay humarang din, INTEGRIDAD , yan ang dapat tsong.

Wag basta, cut ng cut at maging defensive hindi lang para sa sarili, para sa ibang kasabay na din sa kalsada.

At sana, laging tandaan na hindi ang get up ang basehan para maging disiplinadong rider ka.

Hindi kailan man at hindi magiging basehan. Nasa tao yan. Nasa tao at wala sa get up o motor. 

Anong klaseng Rider ka?

(Picture taken from Shogun Elite Club's Bolinao Ride in Jan 2010)

Anong klaseng Rider ka?

Natanong nyo na ba sa mga sarili nyo kung anong klaseng Rider ka?

Iba iba kasi ang klase ng rider, hindi lang sa mayaman o mahirap ha. As in maraming klaseng rider.

Madami akong nakakasabay na rider, kuntodo naka reflectorized vest, nakalagay ang logo ng grupo nila, suot ang armor jacket at shin guard. Kuntodo din ang ilaw sa harap at likod, sa sitwasyon ngayon, mga naka todong LED pa sila, may animan na, may labing-dalawahan pa.

Naka blinker ang isang set at ang isa namay panilaw lang, este, pang ILAW lang.

Meron namang, laging naka hazard lights na akala mo may emergency, na minsan may tinanong ako kung kailangan ba nya ng tulong at naka bukas ang kanyang hazard lights, ang sagot saken eh, para porma daw. Toinks!

Meron namang naka jacket lang, full face helmet at gwantes. 

Merong mahilig sa scooter, merong sa unberbones.

Merong mahilig sa Dirt bikes, merong sa big bikes.

Merong laging trip ay motor na bago, meron din namang mas luma ang gusto.

Ibat ibang klaseng panlasa, siempre, depende sa budget ng bulsa.

Merong mahilig sa pakikibaka, meron namang natulong sa masa.

May mga ayaw mag helmet, merong may gusto.

May mga matitino, siempre, meron ding mga abusado.

Merong mahilig sa maingay na tambutso, may gustong tahimik lang.

May mga taong naglalaan ng oras, pawis at dugo para ipaglaban ang karapatan ng mga rider.

Meron din namang mga rider na pilit ibinabagsak ang layunin ng iba, para sa layunin nila.

Ibat ibang klaseng mananakay, sa ibat ibang antas ng buhay at ibat ibang paniniwala.

Ang pag mo-motor ay parang showbiz, at kadalasan pa nga ay mas masahol pa sa showbiz. Madalas sabihin ng matatanda na ang pag mo-motor ay laging naka lagay na ang isang paa mo sa hukay.

Delikado naman talaga, lalo pat lugeng luge tayo kapag tayo ay binanga ng sasakyan, dahil hindi natin maiiwasan na may mga tolonges na naka kotse na galit sa naka motor. 

Well, given na yan.

Pero maiiwasan ba nating hindi sila magalit sa Rider, kung karamihan sa atin ay hindi alam ang batas, kung paano gamitin ang kalsada o basahin ang road signs o irespeto man lang ang Pedestrian Lane.

Sa lahat naman ng antas ng transportasyon ay may pasaway, naiintindihan natin yan. Kaya nga ang titulo nito eh anong klaseng rider ka.

Ikaw ba yung sunod sa uso, kuntodo japorms na mala Shaider ang look, o yung simpleng rider na naka helmet, jacket at gwantes lang? Well, hindi naman basehan ang pag su-suot ng mala Shaider na outfit para masabi nilang maayos kang mananakay. Sa totoo lang, mas marami akong nakikitang rider na naka Shaider outfit pero nuknukan ng pasaway, May wang-wang, blinker at kung ano ano pa.

Madalas din sa group rides, kung makapa hinto sa traffic akala mo eh nabili ang kalsada. 

May mga big bikers naman na maliliit ang tingin sa mga sub400 riders, meron namang hindi. Mas marami pa naman yung nakilala kong hindi matapobre sa motor kahit na silay naka malaki.

Meron ding mga sub400 na inis sa big bikers, balikan lang, haters gonna hate nga sabi nila.

Pero ano ba ang ipinupunto ko dito, hindi ko alam kung na gets nyo na. Siret?!

Ang pinupunto ko dito ay iisa lang tayo. RIDER tayo na dapat magtulungan, na dapat walang ingitan, na dapat magka akbay sa ano mang dagok na ibabato sa atin. Hindi yung “sila lang yan noh! Hindi kami ganyan”.

Marami na akong nakilala sa komunidad na ito, naging adbokasiya ko ang pagtutol sa mga baluktot na batas na gustong mag gupo sa mga rider.

Sumama at tumulong sa mga nangangailangan, maraming plastic, OO, pero marami pa ding tunay.

Lagi lang naman nanjan maninira, pag wala sila boring ang buhay, TAMA?

Sa komunidad na ito, mas marami akong naging kaibigan kesa sa naging kaaway. Simula sa MCP forum, weekly tambay nights at motorcycle gatherings, at wag nating iwaksi ang mga nakilala ko sa illegal drag racing sa Macapagal. Yes, Minsan sa buhay rider ko ay naging mamumusta ako jan. Lahat nagbabago.

Kaya yang mga panira sa anong mang trip mo o ng grupo mo eh mananawa din. Meron lang talagang hindi nagsasawa. Matuwa ka, one in a million yan.

Ayokong tumawag ng pagkakaisa, parang amplastic naman di ba? Na sabihin ko na patawarin nyo ang isat isa. Pero bangas ito sa komunidad na pare pareho nating minahal.

Bangas ito dahil nagkawatak watak ang mga dating magkakaibigan dahil sa may iilang mahilig gumawa ng kwento laban sa iba. 

Hindi bat ang layunin natin sa umpisa ay “Brotherhood and Camaraderie”? Pero nasan na sya ngayon? Anong klaseng Rider ang binabantaan ang kapwa rider? Eh wala na tayong pinag iba sa mga Gangster Bikers, Tama?

Sa dami ng issue na nakapaloob sa Motorcycling Community, nabangit ko na, na parang showbiz di ba? Na dun sa channel ng kabila, sila ang bida, kaya paglipat ng channel nung isa, puro kasiraan ang napapanood nya.

So pag naniwala ka? Anong klaseng rider ka? Hindi mo man lang binigyan ng pagkakataong ipagtangol nung kabilang istasyon ang mga sarili nila, ni hindi mo pinakingan ang katwiran nila, hindi mo na nagawang balansehin dahil nabulag ka na nung isa.

Masakit sabihin pero ganito ang nakikita ko ngayon. Kesyo si ganitong grupo ang nauna, ginaya lang kami.

Mas mahusay ang Marshal naming kesa sa kanila. Mas marami kaming natutulungan kesa sa kanila. At ang kadalasang issue pa, Tama ka, PERA!

Dahil may talaga namang mainit sa salapi. Ewan ko ba, bakit ang daming nabubulag jan, ang daming rider ang nagagawang manlamang ng kapwa nila rider para sa SALAPI.

Wala din akong salapi noh, akoy regular na rider lamang na kumakain ng tatlong beses isang araw. Ok, Ok, walong beses sa isang araw, eh sa mahilig akong kumain eh. Pero hindi naman ito tungkol sa pagkain ko. Tungkol ito sa klase ng rider na nakikita ko, na panigurado akong nakikita mo din.

Ikaw, bro, tol, pre, paps o kung ano man ang tawag nila sayo.

Ano ba ang puede mong gawin para maging patas sa issue na naririnig mo?

Ano ba ang puede mong gawin para hindi lumala ito? Ano ba ang puede mong gawin para hindi na magningas ang apoy.

Ikaw, Anong klaseng RIDER ka?!

Bago ang Macapagal, CCP muna ang tambayan

1996 noon, nung nagsimula akong tumabay sa CCP, Reclamation area pa lang ang MOA at Macapagal area, dito inilagay yung mga squatter na, na demolished sa Pasay at Paranaque. Madalas din akong magpunta sa reclamation area na yan dahil marami akong kababatang napalipat doon simula ng gibain ang mga bahay nila dun sa estero sa Pasay. Syempre, dala ko ang motor kong Yamaha chappy (Una kong motor bago ang DIO 1 na pinangalanang kong Pugak) papunta dun.

Bago ang karera sa Macapagal, bago ang tambay ng mga motor at syempre, mga magagarang kotse na din. Ang Vicente Sotto St. diyan sa CCP ang tambayan ng mga rider at racer.

Naalala ko pa noon, naka Honda Dio 1 pa ako, madalas kaming magpunta diyan noon tuwing Byernes at Sabado. Pa gandahan ng motor, pa cute sa mga tsiks, at sight seeing na din ng mga konyo kids na naka tsikot. Pag naka Chappy ka eh hindi pansinin eh, kaya parada si Chappy pag weekends.

Punong puno ng tambay ang kalsadang yan (Vicente Sotto St), mula kanto hangang circle at kadalasan ay naabot pa sa Film Center, na kung tawagin namin noon ay "Condemned Building" dahil wala ngang establishmento dun noon. Hindi lang kami makatambay noon sa Film Center kapag Sabado dahil nanjan ang El Shaddai.

Pagandahan ng motor noon, at pabilisan din syempre, wala pang masyadong fancy lights tulad ng mga nabibili ngaun. Pakinisan ng kaha, pamahalan ng pipe at pagandahan ng set-up. Usong uso noon ang water cooling set up at nauso din ang salitang "BALOT" na ang ibig sabihin ay balot ng tubig ang block, dahil noon, mano-manong ginagawa ang pag wa-water cooled sa mga block ng jog at dio.

May iba din namang brand ng motor, pero ang karamihan noon ay Jog at Dio dahil usong uso din noon ang pagbili sa Ilocos tapos iba byahe sa Manila.

Mas lalong dumami ang tambay nung lumabas ang Sym Jet 100, yung mga tipong hindi mo puedeng kausapin ang may ari pag ganun ang motor. Marami din namang natambay na ibang klase na motor, may dirtbikes (tawag namin noon sa mga off road) Yamaha DT at KMX125 ang mga putok na model noon, may mga C70 din din at mga pantra, hindi rin mawawala ang mga sinaunang underbone tulad ng dream at kung ano ano pa. Madami ding natambay na mga rich kids na naka italian scooters tulad ng Vespa, dragster at gilera (just to name a few). Masaya ang tambay sa lugar na yan, marmai ding tao dahil malapit sa break waters at yung mga tambay eh nagpapa emo sa tabing dagat habang nakain ng ihaw ihaw.

Wala pa yung Jumbo Floating Palace noon. Maraming lovers ang madalas na dayuhin ang break waters dahil nga romantic ang dating, buhay na buhay pa sya noon. Karera dito, karera doon, pasikatan at paingayan ng sound set up naman ang mga naka tsikot. Stunts naman ang ibang dirt bikers, at yung mga parking lot sa tabi ng PICC ay nagiging maliit na karerahan ng mga kotse at motor. Suma tutal, Tambayan talaga ang CCP area.

Natigil lamang ito nung marami ng nadidisgrasya gawang wala pang humps ang kalsada at panay ang karera, isa sa pinaka malalang aksidente ang nasaksihan ko ay yung inararo ng isang kotseng pang karera yung stall ng bisikletahan diyan sa kanto ng Vicente Sotto St. at Magdalena Jalandoni, sa pag kaka alala ko, halos isang pamilya ang namatay sa insidenteng iyon.

Simula din noon ay humigpit na ang pag tambay, maya't maya na ang check point, dahil karamihan noon ay walang mga papel ang motor. Walang helmet ang karamihan at walang lisensya.

Tumamlay na din ang eksena tuwing Byernes at Sabado, wala na ang maiingay na sasakyan, ang magagarang tugtog galing sa mga naka set up na tsikot.

Hangang sa tuluyan ng nawala ang mga tambay, naging malungkot na ang lugar na yun. Ilang taon din ganun, nalipat sa ibang ibang lugar ang tambayan, meron sa Sucat, Meron sa greenhills, meron sa Malate at marami pang iba.

Pero kahit wala nang natambay sa CCP ay panigurado akong ang mga nakatambay doon ay hindi malilimutan ang mga magagandang ala-ala at mga kasiyahang nasaksihan nila at mga hindi masayang pangyayari nung panahong aktibo pa ang tambay sa CCP.