Anong klaseng Rider ka?

(Picture taken from Shogun Elite Club's Bolinao Ride in Jan 2010)

Anong klaseng Rider ka?

Natanong nyo na ba sa mga sarili nyo kung anong klaseng Rider ka?

Iba iba kasi ang klase ng rider, hindi lang sa mayaman o mahirap ha. As in maraming klaseng rider.

Madami akong nakakasabay na rider, kuntodo naka reflectorized vest, nakalagay ang logo ng grupo nila, suot ang armor jacket at shin guard. Kuntodo din ang ilaw sa harap at likod, sa sitwasyon ngayon, mga naka todong LED pa sila, may animan na, may labing-dalawahan pa.

Naka blinker ang isang set at ang isa namay panilaw lang, este, pang ILAW lang.

Meron namang, laging naka hazard lights na akala mo may emergency, na minsan may tinanong ako kung kailangan ba nya ng tulong at naka bukas ang kanyang hazard lights, ang sagot saken eh, para porma daw. Toinks!

Meron namang naka jacket lang, full face helmet at gwantes. 

Merong mahilig sa scooter, merong sa unberbones.

Merong mahilig sa Dirt bikes, merong sa big bikes.

Merong laging trip ay motor na bago, meron din namang mas luma ang gusto.

Ibat ibang klaseng panlasa, siempre, depende sa budget ng bulsa.

Merong mahilig sa pakikibaka, meron namang natulong sa masa.

May mga ayaw mag helmet, merong may gusto.

May mga matitino, siempre, meron ding mga abusado.

Merong mahilig sa maingay na tambutso, may gustong tahimik lang.

May mga taong naglalaan ng oras, pawis at dugo para ipaglaban ang karapatan ng mga rider.

Meron din namang mga rider na pilit ibinabagsak ang layunin ng iba, para sa layunin nila.

Ibat ibang klaseng mananakay, sa ibat ibang antas ng buhay at ibat ibang paniniwala.

Ang pag mo-motor ay parang showbiz, at kadalasan pa nga ay mas masahol pa sa showbiz. Madalas sabihin ng matatanda na ang pag mo-motor ay laging naka lagay na ang isang paa mo sa hukay.

Delikado naman talaga, lalo pat lugeng luge tayo kapag tayo ay binanga ng sasakyan, dahil hindi natin maiiwasan na may mga tolonges na naka kotse na galit sa naka motor. 

Well, given na yan.

Pero maiiwasan ba nating hindi sila magalit sa Rider, kung karamihan sa atin ay hindi alam ang batas, kung paano gamitin ang kalsada o basahin ang road signs o irespeto man lang ang Pedestrian Lane.

Sa lahat naman ng antas ng transportasyon ay may pasaway, naiintindihan natin yan. Kaya nga ang titulo nito eh anong klaseng rider ka.

Ikaw ba yung sunod sa uso, kuntodo japorms na mala Shaider ang look, o yung simpleng rider na naka helmet, jacket at gwantes lang? Well, hindi naman basehan ang pag su-suot ng mala Shaider na outfit para masabi nilang maayos kang mananakay. Sa totoo lang, mas marami akong nakikitang rider na naka Shaider outfit pero nuknukan ng pasaway, May wang-wang, blinker at kung ano ano pa.

Madalas din sa group rides, kung makapa hinto sa traffic akala mo eh nabili ang kalsada. 

May mga big bikers naman na maliliit ang tingin sa mga sub400 riders, meron namang hindi. Mas marami pa naman yung nakilala kong hindi matapobre sa motor kahit na silay naka malaki.

Meron ding mga sub400 na inis sa big bikers, balikan lang, haters gonna hate nga sabi nila.

Pero ano ba ang ipinupunto ko dito, hindi ko alam kung na gets nyo na. Siret?!

Ang pinupunto ko dito ay iisa lang tayo. RIDER tayo na dapat magtulungan, na dapat walang ingitan, na dapat magka akbay sa ano mang dagok na ibabato sa atin. Hindi yung “sila lang yan noh! Hindi kami ganyan”.

Marami na akong nakilala sa komunidad na ito, naging adbokasiya ko ang pagtutol sa mga baluktot na batas na gustong mag gupo sa mga rider.

Sumama at tumulong sa mga nangangailangan, maraming plastic, OO, pero marami pa ding tunay.

Lagi lang naman nanjan maninira, pag wala sila boring ang buhay, TAMA?

Sa komunidad na ito, mas marami akong naging kaibigan kesa sa naging kaaway. Simula sa MCP forum, weekly tambay nights at motorcycle gatherings, at wag nating iwaksi ang mga nakilala ko sa illegal drag racing sa Macapagal. Yes, Minsan sa buhay rider ko ay naging mamumusta ako jan. Lahat nagbabago.

Kaya yang mga panira sa anong mang trip mo o ng grupo mo eh mananawa din. Meron lang talagang hindi nagsasawa. Matuwa ka, one in a million yan.

Ayokong tumawag ng pagkakaisa, parang amplastic naman di ba? Na sabihin ko na patawarin nyo ang isat isa. Pero bangas ito sa komunidad na pare pareho nating minahal.

Bangas ito dahil nagkawatak watak ang mga dating magkakaibigan dahil sa may iilang mahilig gumawa ng kwento laban sa iba. 

Hindi bat ang layunin natin sa umpisa ay “Brotherhood and Camaraderie”? Pero nasan na sya ngayon? Anong klaseng Rider ang binabantaan ang kapwa rider? Eh wala na tayong pinag iba sa mga Gangster Bikers, Tama?

Sa dami ng issue na nakapaloob sa Motorcycling Community, nabangit ko na, na parang showbiz di ba? Na dun sa channel ng kabila, sila ang bida, kaya paglipat ng channel nung isa, puro kasiraan ang napapanood nya.

So pag naniwala ka? Anong klaseng rider ka? Hindi mo man lang binigyan ng pagkakataong ipagtangol nung kabilang istasyon ang mga sarili nila, ni hindi mo pinakingan ang katwiran nila, hindi mo na nagawang balansehin dahil nabulag ka na nung isa.

Masakit sabihin pero ganito ang nakikita ko ngayon. Kesyo si ganitong grupo ang nauna, ginaya lang kami.

Mas mahusay ang Marshal naming kesa sa kanila. Mas marami kaming natutulungan kesa sa kanila. At ang kadalasang issue pa, Tama ka, PERA!

Dahil may talaga namang mainit sa salapi. Ewan ko ba, bakit ang daming nabubulag jan, ang daming rider ang nagagawang manlamang ng kapwa nila rider para sa SALAPI.

Wala din akong salapi noh, akoy regular na rider lamang na kumakain ng tatlong beses isang araw. Ok, Ok, walong beses sa isang araw, eh sa mahilig akong kumain eh. Pero hindi naman ito tungkol sa pagkain ko. Tungkol ito sa klase ng rider na nakikita ko, na panigurado akong nakikita mo din.

Ikaw, bro, tol, pre, paps o kung ano man ang tawag nila sayo.

Ano ba ang puede mong gawin para maging patas sa issue na naririnig mo?

Ano ba ang puede mong gawin para hindi lumala ito? Ano ba ang puede mong gawin para hindi na magningas ang apoy.

Ikaw, Anong klaseng RIDER ka?!

Stop believing everything on the Internet

From Awesomequotes4you.

Patola lang sa mga quotes.. Salamat at nakapag post ulit sa blog ko, maraming puedeng ilagay, kaso walang time. 



1. Your shoes are the first thing people subsconsciously notice about you, wear nice shoes. 

I don't wear "nice and expensive shoes", before I do, but now, I don't, not because I can't buy them, Its because, I believe that the shoes you wear doesn't represent your attitude. I have a few shoes, that can represent me well and that's enough. 

2. If you sit for more than 11 hours a day, there's a 50/50 chance that you'll die in the next 3 years. 

I have been sitting for more than 11 hours a day for the last 10 years I think. So fuck that shit. 

3. There are at least 6 people six people in the whole who look exactly like you. There's a 9% chance that you meet one of them in your lifetime. 

My son is one. And that's like a "100%" in my lifetime. Really, He looks like just me. 

4. Sleeping without a pillow reduces back pains and keeps your spine together. 

True, but also doing dead lifts and monkey glide. 

5. A person's height is determined by your Father and your weight by your Mother. 

My Father is a 6 footer, six ft 1 to be exact, motherfucker is tall. My mom is a cultural dancer back in the day, not to mention my Father was a drummer in a band. My mom is not fat. I stand 5'7ft and weights 267 pound for the last 3 months now, and I weight over 200 pounds for the last 6 years, and Yes, I'm the only "Chubby" on our family. Talkin about genetics huh?!. 

6. If a part of your body "falls asleep" you can always "wake it up" by shaking your head. 

My dick falls asleep on the first battle, so I am always shaking my head, so this shit is not fuckin true. 

7. There are 3 things that human brain can't resist. Food, attractive people and Danger. 

This is bullshit, I also notice and I can't resist this also, douchebags, assholes and motorcycles. 

8. Right handed people tend to chew on the right side. 

I always chew on the left side. Ppffttt...

9. Putting dry tea bags in gym bags or smelly shoes will absorb unpleasant odor. 

Or, you can just wash the bags you fuckin lazy gross motherfucker, and also the shoes. 

10. According to Albert Einstein, If honey bees were to disappear from Earth, Humans would be dead in 4 years. 

Can't argue with that. But we are not sure right?! 

11. There are so many kinds of apples, that if you ate a new one everyday, it would take over 20 years to try them all. 

The only apple I tried is the red apple, and its not even a fruit. 

12. You can survive without eating for weeks, but you will only live 11 days without sleeping. 

Bullshit. The Australian National Sleep Research Project, states the record for sleep deprivation is 18 days, 21 hours, 40 minutes. 

13. People who laugh a lot are healthier than those who don't. 

But we are not sure, right? 

14. Laziness and inactivity kills just as many as smoking. 

Another bullshit. How can you die? Without exercise? C'mon, you'll die faster if you don't stop smoking idiot!

15. A human brain has a capacity to store 5 times as much information as Wikipedia. 

For sho'

16. Our brain uses same amount of power as 10 watts light bulb. 

I knew some people who uses 240 watts power but just put up 10 watts of light. If you know what I mean. 

17. Our body gives enough heat in 30 mins to boil 1.5 liters of water. 

Seriously?! C'mon

18. The Ovum egg is the largest cell and the sperm is the smallest cell. 

So you think the Ostrich eggs are small. Ok. 

19. Stomach acid [ conc. HCI ] is strong enough to dissolved razor blades. 

Michael Lotito, the man who eats everything. 

20. SMILE is the ultimate anti-depressant. 

They say "Best Medicine" 

Open Pipe sa Paranaque

Open Pipe sa Paranaque

Well, Well, Well [ Ang sabi ni Maleficent ] isa nanaman pong Syudad ang sumunod na ipagbawal ang “OPEN PIPE” o maingay na tambutso. At Illegal nila itong ipinatutupad sa Paranaque.

Oh, Bakit nga ba illegal? Ganito kasimple.

Sila ay nagpapatupad ng kanilang ordinansa ng walang basehan, gamit lang ay tenga, hindi pare pareho ang sinasabi, at higit sa lahat, walang instrumento para sukatin ang ingay ng tambutso.

Well, hindi na bago sa atin itong mga tolonges na batas na ganito. Nanjan ang Makati, Bacoor, Ang Bayan ng Paete sa Laguna at marami pang iba.

Uulitin ko ulit, Ako po ay hindi sang ayon sa maiingay na tambutso, ganang akin lamang eh tamang pagpapatupad at batas na patas sa lahat.

Pero syempre, wala silang pakialam dahil nga “Sila ang batas”

Tingnan mo nga itong isang motor ng enforcer na ito;

Photo courtesy of Juan Zerna of Paranaque;

So, exempted ba sila? Walang pinagkaiba yan sa ibang lugar na nagpatupad din ng batas tungkol sa maingay na t ambutso, pare parehas silang hindi pinag aralan ang mga pinag sasasabi nila.

Heto pa ulit ang isang screenshot from Juan Zerna’s FB wall

Hindi ba't magulo? Well, ang iba ay batas na noon pa ipinapatupad pero ang pagpapatupad ay mali. 

Mahirap bang hingin sa lokal na pamahalaan o sa Gobyerno ang patas na batas para sa lahat? 

At bakit laging motor lang? Binabangit nila "Motor Vehicle" 

hindi ba't motor vehicle din ang ibang sasakyan?

Sawang sawa na din akong gumawa ng artikulong paulit ulit dahil wala din namang nangyayari sa ibang mga "nakikipag laban" sa karapatan ng mga nag mo-motor. 

Yung iba ay nagpapataasan lang ng IHE, kadalasan ay mas matindi pa sa Showbiz ang tsismisan. 

Ngayon, para magkaron tayo ng kahit kaunting laban. Alamin natin ang batas tungkol dito. Nandyan ang RA 4136 na magiging guide natin sa batas trapiko, Ihanda lagi ang celphone na may camera, o kung bigtime ka eh GoPro, kung mejo bigtime lang eh SJ4000. 

Maging aware tayo para at the same time ay hindi rin tayo makikilan. 

Kasi kadalasan ay nag re-resort tayo sa "Maglagay" na lang dahil ayaw natin ng abala. 

Well, nandun na tayo, pero kung patuloy tayong maglalagay eh hindi masusugpo ang mga "Buwaya" na nagkalat sa daan. 

"Patas na Batas, Para sa lahat ng nag mo-motor - Gene B. Ulag"

RIDE FOR A CAUSE, Dao Elementary School, Bailen, Aguinaldo, Cavite - January 25, 2015

RIDE FOR A CAUSE

Dao Elementary School, Bailen, Aguinaldo, Cavite

January 25, 2015

Enero abeynte singko, ang araw na bibisitahin ng grupong RIDE FOR A CAUSE ang DAO Elementary school. Isang liblib na eskwelahan sa bayan ng Emilio Aguinaldo sa probinsya ng Cavite. Halikat samahan nyo ako.

Ang meet up ng mga volunteers na mangagaling sa Maynila ay sa Jetti Gasoline station sa Macapagal Blvd samantalang ang ibang grupo naman na sasama sa Cavite ay sa Mcdonalds Pala-pala.

Mag aalas siete ako nang umalis sa bahay, makatapos kumain ay diretsong bihis na, mejo naunsyami kasi ako at yung jacket ko eh hindi na kasya saken [ Oo, tumaba ako ]. Lumampas pa ako sa Mcdo Pala-pala gawang ang nasa isip ko eh Fil Oil Gasoline station. Pag balik ko sa Mcdo, nandun na ang mga Cavite volunteers. Nandun ang grupong RJRC-CAVITE, Yamaha-United SZR Riders of Cavite, ilang mga RFAC volunteers at ang COE na si Blackstorm.

Makalipas ng ilang sandal ay dumating na din ang convoy kaya sinabihan ko ng mag gear up ang grupong Cavite. Mga isang oras na byahe ay narating namin ang aming destinasyon, Ang DAO Elementary school.

Isang maliit na eskwelahan sa mejo may kasukalan pang parte ng Cavite, ni wala din akong makitang street lights, may mga parte pang hindi sementado ang kalsada.

Maayos kaming sinalubong at tinangap ng mga estudyante ng DAO elementary school at maging ang mga guro nito. May pa LUGAW pa na talaga namang kay sarap at may kasamang MAJA BLANKO.

Makatapos ng konting salo-salo ay nagsimula na ang maiksing programa, ipinamahagi ang mga donasyon mula sa volunteers, specially sa bag na ibinigay ng Yamaha Philippines sa pamamagitan ng grupong United SZR Riders of Cavite. Tulong tulong ang mga volunteers sa pamamahagi ng Bags, tshirts at tsinelas. At ang mga sumobra ay inendorso sa mga guro, may dala din ang RFAC na bagong COMPUTER na may kasama pang PRINTER at computer table.

Nakakatuwang isipin na kahit papano nakakatulong tayo sa maliit nating paraan sa tulong ng samahang RIDE FOR A CAUSE. Ipaliwanag ko lang na ang RIDE FOR A CAUSE ay hindi CLUB, ito po ay pinag bigkis na samahan ng iba't ibang grupo ng nag mo-motor sa bansa at ibang bansa [ donors and sponsors ]. Isang samahan na sa kahit maliit na paraan ay gustong tumulong sa mga nangangailangan at kasabay ng pagbabago sa imahe ng mga riders sa kalsada.

Sa samahang ito ay walang AMO, PRESIDENTE, LIDER o ano pa man, ito ay ginagabayan ng COE [ Council of Elders ] para lalong maging matatag at matibay ang samahan. Pitong taon napo ang samahang ito na nabuo ng dahil sa iisang layunin, ang tumulong.

At siempre, gusto ko pong pasalamatan ang mga VOLUNTEERS na walang sawang tumulong at sumama. Sa mga MARSHALS na pinapangalagaan ang ating mga kapwa riders habang nasa byahe. Sa mga SCOUT MASTERS na walang sawang na byahe para maghanap ng beneficiary at sa mga COE na gumabay sa samahan. Mabuhay po tayo.

Sa mga gustong sumama sa adbokasiyang ito, hit nyo po ang LIKE at mag inquire sa page na ito sa facebook: RIDE FOR A CAUSE

Ilang litrato na kuha sa Mission. 

Kuha ni Bien Calvario [ isang alagad ng batas ] Kasama ang mga pulis din na Volunteers [ yup, hindi lahat eh scalawags, ang iba ay matulungin talaga at matapat sa serbisyo ]

United SZR Riders of Cavite at Total Gas station in Tagaytay

Kuha ni Philip Menorca sa DAO Elementary School

Kuha naman ni Erich Samuel Bronson, mga estudyante ng DAO

Kuha ni Ser Crispe, sinimulan ang programa ng isang simpleng dasal at pasasalamat

Cavite Volunteers, kuha ni sir Vincent Ryan

At ang inyo pong lingkod

More pics on their fb page: RIDE FOR A CAUSE PAGE

Bawal na daw ang OPEN PIPE sa PAETE

Picture grabbed from Mistah_Suave from facebook. 

Isang Bayan nanaman ang naki USO sa pag babawal ng “OPEN PIPE”. Palakpakan po natin ang Bayan ng Paete.

Paniguradong naiirita ito sa ingay na naririnig nila, mga harurot ng mga kabataang may dalang motor na wala pa yatang lisensya at walang helmet. Kaya ayun, MOTOR nanaman ang pinag diskitahan.

Uulitin ko ulit, Hindi ko din gusto ang maingay na motor. Sino bang may gusto ng biglang haharurot ang motor sa kalaliman ng tulog mo, que umaga oh gabi?! Wala. Walang may gusto.

Eh bakit kaya nila ipinag bawal ang “OPEN PIPE” ayun doon sa kanilang “NOTICE TO THE PUBLIC”.

Eh kasi siempre maingay, [paulit ulit tayo pucha].

Ibig sabihin nito ay sisitahin na nila ang mga mayroon maingay na tambutso, Maingay kamo diba? Paano ba nating masasabing maingay ang isang bagay? Paano ba natin malalaman, oh, PANUKAT!! Ang galing nyo mga bata, kailangan natin ng PANUKAT, kung walang panukat at ang gagawin lang ay tataasan ang siliyador para masabing maingay ang motor, tama ba ito mga BATA?!

Siempre MALI, dahil panigurado akong ganyan din mismo ang gagawin ng ating magigiting na enforcer ng Bayan ng Paete.

Nandoon na po tayo Kagalang Galang na Alkalde Mutuk, Maingay talaga sya, kung susugpuin natin ang INGAY na ito, eh dapat po nasa tamang proseso. Ooooppsss, PROSESO?! Itong ordinansa bang ito ay dumaan sa tamang proseso?! Dahil kung titingnan eh, isang malaking CHECK, na hindi dumaan ang ordinansa sa BRAIN STORMING na tinatawag. Bakit kamo?! I break down natin.

1.       Maingay na Tambutso – OPEN PIPE; Kapag sinabi pong OPEN PIPE, ang ibig sabihin po nito ay putol po ang CANNISTER o MUFFLER na naka dikit sa PIPE. Meaning, yung TUBO lang dapat. Kung wala itong CANNISTER o MUFFLER na ito ay, mag iingay po ang TAMBUTSO at maglalabas ng amoy gasolinang amoy. Oh, san ko po nalaman yan? Ah, binasa ko po yung RA 4136, Chapter 3, Article 4, Section J. Na nagsasabing

-          “(j) Mufflers. - Every motor vehicle propelled by an internal combustion engine shall be equipped with a muffler, and whenever said motor vehicle passes through a street of any city, municipality, or thickly populated district or barrio, the muffler shall not be cut out or disconnected. No motor vehicle shall be operated in such a manner as to cause it to emit or make any unnecessary or disagreeable odor, smoke or noise.”

Ito po ay sa Article 4, Accessories of Motor Vehicles. RA 4136 ay ang ating basehan sa mga batas pantrapiko sa ating bansa. At malinaw naman diyan na sinabing, dapat na ang MUFFLER o CANNISTER ay dapat na hindi putol, para hindi ito mag ingay o mag labas ng mabahong amoy. Bukod doon ay wala na pong iba. Bawal ang maingay, pero wala po tayong DECIBEL limit na tinatawag sa ordinansang yan, Oo, luma na ang ordinansang ito at kailangan na nating repasuhin, ngunit yan ay hindi ko naman na trabaho, kaya may mga tumatakbong CONGRESSMAN para samga gawaing yan. So, tama po ba ang ordinansang pinatutupad nyo ngayon?! Yung ANEST answer lang. kasi kung TAMBUTSO lang eh, lahat ng JEEP na nadaan sa Paete ay walang MUFFLER o CANNISTER, kaya dapat sila ang inuuna. Straight pipe lang ang mga jeep eh. Tsaka yung batas na nasa RA4136 eh para sa lahat, na obviously, para sa motor lang ang ordinansa nyo. 

2.       Mausok na TAMBUTSO – Dito talaga ako natatawa ng husto at the same time eh naiinis. 2-strokers panigurado ang gusto nyong tirahin dito, na karamihan ng TRICYCLE sa Paete ay ganyang klase ng makina ang gamit.

Seriously?! San nyo po ito nakuha? Ginaya? O narinig man lang?! Naglalabas pa ang ilang kompanya ng motor ng 2 stroke, tulad ng YAMAHA YZ125 at 250. So itong mga bagong motor na ito ay bawal na din?! Baka gusto nyo silang kontakin para sabihin na hindi kayo sang ayon sa pag gawa nila ng motor na 2 stroke.

Ang LTO at LTRFB kung may paki sila, eh hindi pa nga nag babawal ng 2 stroke. #JuiceColored

Sa Paete, Bawal na, parang plastic Bag lang. LOL.

Sige, ipag babawal nyo po ang mausok, eh di maliwanag na tatangalan nyo ng trabaho ang daan daang tricycle driver dyan sa Paete. Ano po ang ipapakain nila sa pamilya nila? Sasagutin nyo po ba? Kung hindi naman, anong puede nyong gawin para may pagkakitaan silang alternatibo dahil ipinagbabawal nyo na ang mausok na motor eh halos karamihan ng trike driver dyan eh 2 stroke pa ang gamit.

Bakit kaya na hindi nyo na lang paigtingin ang SAFETY ng mga nag mo-motor dyan?! Ang dami kong nakikitang mga bata pa ang may dalang motor, sa maliit na kalsada eh kung magharurutan, mga walang helmet, at mga walang lisensya. Bakit ko alam?! Eh muntik ng mahagip ng isang batang nag mo-motor ang anak ko noon. Sitahin mo mga galit pa.

Bakit hindi yun ang unahin natin?! Mahirap bang gawin yun?! May mga batas nang naka handa para doon. Driving without license, reckless driving, Over speeding, at ang HELMET LAW. Heto ay wala nang kailangang pag aaral pa dahil pinag aralan na ito. Well, hindi ko masasabing magaling sila, pero sintido kumon, para sa kanilang safety yan.

So bakit hindi tayo mag focus ditto, dyan sa mga flaws na dapat muna nyong ayusin. At hahakbang agad tayo sa TAMBUTSO na sobrang DEBATABLE at napakaraming loop holes. Walang solidong batas. Haka haka.

Bakit kamo?! Sino ang tatamaan dito. Aba’y, ang mga rider na walang ka alam alam na dadaan sa Paete, na haharangin ng mga tiwaling alagad ng batas, na syempre, imbes na mag multa ng isang libo ay makiki pag areglo na lang. Dahil tatakutin sa mga abalang makukuha, presyo ng multa. Wag nating alisin yan.

Magiging MILKING AVENUE nanaman ito para sa mga riders, tulad ng mga ENFORCERS ng Bacoor.  

Ako po ay isa sa mga RIDER na ipinagmamalaki ang Bayan ng Paete, Hindi lamang sa mga OBRA Maestrang mga ukit, pati na din ang mismong bayan, ang kwento sa likod nito, ang ARNIS nito, ang Pista, ang tatlong krus at marami pang iba, bukod dito, ipinag mamalaki ko din po ang mga karatig bayan nito na nag oofer ng magagandang lugar, na masarap puntahan.

Tapos, Ganyan, may kakaibang ORDINANG tulad nyan. 40% ng turista ngayon ay mga nakamotor na. Kahit papaano eh malaki ang naiaambag ng mga rider sa turismo.

Kagalang Galang na MUTUK BAGABALDO. Kung gusto nyo pong ipatupad yang “OPEN PIPE” ordinance nyo, maaari lamang na daanin ito sa tamang proseso at hindi I rerebolusyon ang silinyador para masabing maingay ang motor. Tungkol naman sa mausok na tambutso, isa talagang malaking kaululan ito. REPASUHIN nyo ulit at kumuha kayo ng mga taong NEUTRAL na makakasama nyo sa BRAIN STORMING dahil, katawa tawa ang dating. Nakakahiya. Hindi po ito ang ALKALDE na tinitingala ko noon. Saludo po ako sa mga nagawa nyo at alam ko pong ang gusto nyo lamang po ay maging matiwasay ang pamumuhay ng mga tao sa Bayan ng Paete, sananaman ay maisama naman diyan ang pantay pantay na karapatan ng bawat mananakay. Salamat po. 

Mga hindi dapat gawin kapag nag mo-motor

Mga hindi dapat gawin kapag nag mo-motor

By: Gene B. Ulag

Well, maraming hindi dapat ginawa pag nag mo-motor, Pero ano nga ba ang mga “DAPAT” na hindi ginagawa habang nag mo-motor? Marami din kasi sa mga kasama nating mga riders na hindi alam ang batas tungkol sa pag mo-motor, hindi marunong bumasa ng traffic signs, road lines at iba pa. Kadalasan ay marunong lang talagang mag motor.

Isang dahilan din ng disgrasya ang hindi pag intindi at hindi pag sunod sa batas trapiko, hindi lang din sa mga naka motor, kung hindi sa lahat ng motorista sa kalsada.

Ngaun, I break down natin ang mga dapat hindi ginawa kapag tayo ay nag mo-motor. Bukod sa pag sunod sa BATAS TRAPIKO

Unahin na natin ang PAG INOM NG ALAK.

Mejo guilty ako dito, kasi talaga namang madalas noon ay madalas din akong shumat, Aminin natin, masarap uminom, lalo na’t nasa tambayan tayo, kasama ang mga ka-tropang nag mo-motor din. Napag uusapan ang babae, modification ng motor, ikumpara ang bilis ng bawat isa, na pagkatapos ay mag susuntukan na. Charot lang. hehehe.

Iba ang kwentuhan kapag tropa ang kasama eh, di ba?!

Iba din ang kwentuhan pag nadisgrasya ka, at Mas iba ang kwentuhan, kapag pinag lalamayan ka. Masakit din sa mahal natin sa buhay kapag tayo ay nadisgrasya, hindi ka man mamatay, eh todong gastos naman, dahil ma o-ospital ka, tapos pagawain pa sa motor.

Kaya mga ka tropa, hinay hinay lang, tatlong bote ay OK na, at sana ay wag ng so-sobra pa dun, mas konti mas maganda.

Kaya ang WAG UMINOM NG ALAK o moderation lang sa pag inom ang UNA sa listahan natin.

Pangalawa, MAG SUOT NG HELMET.

Ako man ay guilty din dito, dahil pag malapit lang ang pinupuntahan ko, ay tabo helmet o minsan ay WALA na talaga akong suot na helmet. Pero, ang pag su-suot ng helmet ay nagbibigay sa atin ng proteksyon sa pagka bagok, na numero unong dahilan ng FATALITIES sa disgrasya sa motor.

Lagi naman tayong pro-choice, pero syempre, iba na ang nag iingat. Hindi ka man kumpleto sa gears, atleast, napo proteksyunan ang ULO mo.

Pangatlo, WAG MAG O-OVERTAKE SA KURBADA

Sakit ito ng karamihan sa atin, well, noon ko pa ito alam, kaya hindi na ako guilty ditto [ kala nyo ha ]. Hidi ko alam kung ano ang meron sa pag o-overtake sa kurbada, at lagging gustong maka una. Hindi naman race track ang kalsada.

Ilang taon na ang naka lipas, may isa kaming kaibigan, na itago na lang natin sa pangalang DAMULAG           [ Oo, yung DAMULAG sa palabas na DORAEMON ], nasa byahe sila ng isa nyang kaibigan sa mag Tanay, Rizal, nag biglang nag overtake itong si DAMULAG sa kurbada, ang bumulaga sa kanya ay hindi sina TITO, VIC  and JOEY, kung hindi isang pampasaherong jeep.

Tinamaan sya sa hita, at ang buto nya sa hita [ LEFT FEMUR ] ay nahati sa lima. Ilang buwan din syang hirap maka lakad, hindi ko alam kung ilang opera ang nangyari, at malaking gastusan panigurado. Ng dahil lamang sa pag overtake sa kurbada.

Pang – Apat, WAG TUTUTOK SA PAMPASAHERONG SASAKYAN

Isa pang dahilan ito ng disgrasya, nasa kanang bahagi ka ng kalsada, nasa bilis na otsenta ang tinatakbo, ng biglang nakakita ng pasahero ang JEEP  sa unahan mo, eh masyado ka nang naka baon, ayun, blagag!@#$%!!! Tinumbok mo ang likuran ng JEEP, eh buti kung ikaw lang, may natamaan ka pang pasahero. SAKLAP DI BA?!

Ang mga Jeepney driver, aminin na nating, gusto lang din namang mabuhay nyan, kaya halos walang pakialam yan kung nakahambalang man sila, o may masasabitan sila sa pagmamadali. Wala eh, sa hirap ng buhay eh kailangan nilang kumayod para sa pamilya nila, at para sa pangalawang pamilya nila, [ hango lamang sa kasabihang, basta driver, sweet lover ].

Kaya hanggat maaari, ay tayo na ang umiwas at wag tumutok sa mga pampasaherong sasakyan. Iwas disgrasya pa.

Pang – Lima, MATUTONG RUMESPETO

Dapat nga, hindi na kasama ito, kaso, isama na natin. Malaking parte kasi ito ng buhay motorista eh. Wag harangan ang PED XING – RESPETO SA PEDESTRIAN, Wag dumaan sa SIDE WALK – RESPETO SA PEDESTRIAN, Kapag, kaka GO  signal pa lang, wag busina ng busina na parang gusto mong iyabang na may BUSINA ka na alam mo namang lahat tayo ay meron – RESPETO SA KAPWA MOTORISTA

Wag BOMBA NG BOMBA SA STOPLIGHT  na para bang gusto mo eh laging may karera, RESPETO ito sa KAPWA MOTORISTA, kahit sa tingin mo ay hindi sila naiingayan, NAIINGAYAN SILA,  alam nilang naka RAIDER150 ka at alam nilang mabilis yan, Wag mag assume, kaya kumpuede lang, itigil na din ang rebolusyon ng rebolusyon.

Ilan lamang sa mga naisip ko yan, paala-ala lamang po hane, hindi ito STANDARD na batas, puedeng wag mong sundin, puedeng sundin, kung susundin mo naman ito ay wala namang mawawala sayo, kung hindi mo naman susundin, maaaring buhay mo ang mawala sayo, NOPE, hindi dahil itutumba kita, kung hindi dahil, IKAW, ay magiging mas prone sa aksidente.

Mahirap na masarap ang mag motor, kaakibat ng mga TOLONGES na batas na ipinapatupad ng LOKAL na PAMAHALAAN. Pero ang main reason natin ay ma enjoy ang pag mo-motor, at the same time eh ligtas tayong makakauwi sa kaniya kaniyang pamilya natin. Buo tayong umalis, BUO TAYONG UUWI.

Hanggang sa muli ka RIDERS. RIDE SAFE

[ Parang Batibot lang yung ending ah ]

ISNATCHER na naka KOTSE

ISNATCHER na naka KOTSE

Nobyembre 4, 2014. Ibinalita kanina sa TV PATROL ang isang Isnatcher na naka INNOVA. Nakaprada ang Innova at ang walang ka alam alam na babae ay naglalakad lamang ng biglang hablutin  ang kayang bag.

Nung tinanong na ang kapulisan ay ito lamang ang nasabi nila “Mag ingat na lang kayo palagi”.

Hueeeetennnng Ina!!!  Yun na yown?!!! Hindi nyo man lang tutuligsain na katulad ng pag tuligsa nyo na kapag motor ang ginamit sa pang i-isnatch?!

Hindi ba kayo gagawa ng kaULOLAN na batas tulad ng ginagawa nyo kapag motorsiklo ang na i-involved?!

Baka maisip nyo din na dapat naka baba lang ang salamin ng mga bintana ng lahat ng sasakyan particular na ang INNOVA. 

O kaya naman ay check point na para lamang sa mga naka KOTSE  particular na ang naka INNOVA.

Come on!!!  Do something!!! Hindi ito ang ine-expect ko sa inyo tuwing may krimen na magaganap, dahil Gawain nyong ibato ito sa naka motor.

Motor ang gamit ng mga criminal, Motor ang gamit, motor ang gamit, motor ang gamit.

Eh ngaun, nakita nyo na na, may gumagamit ng sasakyan, aba’y baka mag bulag-bulagan pa kayo, anak ng sampung sinaklang na tupa!!

Hetong taon din nung may nakidnap na asawa ng isang business man, kotse ang gamit, ewan ko nga ba’t sa dinami dami ng dinaanang pier at checkpoint ay nakarating pa ng Mindanao galling Maynila. #BOOM

Alam kong hindi nyo pa din na re-realize na hindi lahat ng naka motor eh KRIMINAL, 

Tandaan nyo, yung mga naka kulong dahil sa pag nanakaw sa kaban ng bayan eh mga naka KOTSE.

Ano ba?! Simple lang ang gusto kong ipahiwatig dito, pa ulit ulit na lang tayo. Sa iba’t ibang antas ng buhay ay may pasaway. Wag natin isisi lahat san aka motor. #JUICECOLORED

Patas na batas, batas na isinanguni sa hindi nababayaran, batas na pinag isipan, batas na tama at hindi katawa-tawa. Mahirap ba yun?!  Mahirap bang mag isip ng batas na magiging patas sa nag mo-motor?!

Binigyan kayo ng Diyos ng utak, ayaw nyong gamitin, binigyan kayo ng utak eh parang mga IPINAHID lang.

Hindi na din ako magtataka, kung ipag babawal nyo ang pag gamit ng sasakyan na naka bukas ang bintana.

Kasi ang nangyayari lang eh, humahanap lang kayo ng lusot sa gusot, na nag mimistulang isang mabantot na aksyon para sa lahat. Naka iwas nga kayo at nakalusot, pero nasaan ang long term effect?! WALA. Kasi nga mahilig kayo sa BAND AID solution.

O, eh diba pinagbawal nyo ang martilyo sa mall, gawa ng MARTILYO GANG. Eh kung sa mga ULO nyo ipukpok yang mga martilyo na yan. #KALURKI #RidingMoreFun